A buai chin lengmang ko; Trump thawngthanhnak a tuah mi nih vawlei a hninh bak ko hi

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Kum 2020 US presidential Election cu buainak in akhat dih cang, Trump nih tu tiang a cohlan duh fawn lo, Social Media ah hetiah a lungput a langter lengmang caah US mipi lawng si lo in vawlei cung ramkip nih he tiah an zoh cang

President Trump nih Election result cu a cohlan lo ti fiangtein a chim cang. Trump Campaign pawl nih Nikhat Ni/Monday lei ah Supreme Court ah lawsuit an ap than lai ti fiangtein an chim cang. Trump campaign pawl nih State kip ah vote rel than ding in court ah an kal pi cang

Vote rel thang hi phunglam nih  siang mi a si, natein State kip ah an rel than ning cu a khat cio lo. Natein tu tan Trump campaign pawl nih vote rel than ding in an ti mi kongah zeibantuk a phichuak a si lai ti cu thei a si rih lo

Trump nih a cohlan lo ning fiangtein a chim cang, A chimnak ruan pakhat a si mi cu, Vote an relnak room ah hin Trump lei ah rian ttuantu pawl “the Observers” pawl lut an siang hna lo.

Mah bantuk in Trump lei ah dirpi tu “observers’ pawl lut an siang lo mi kongah bia le hla tampi a um. Mah bantuk in Trump nih raltha tein a chim ngamnak ruang bik cu, Pennsylvania lei ah Trump campaign pawl nih

vote an relnak chungah lut ve ding in an Vote rel tu pawl hna cu an hal hna, natein vote reltu pawl nih an siang hna lo. Vote reltu pawl hna hi an chim ning a cun Democrat lei mi lawngte an si ti a si,

A ruang cu mah state pawl hna hi Democrat pawl nawlngeinak tangah a um mi a si caah ti a si. Zeibantuk thawngpang Supreme Court nih a thangh lai ti hi vawlei cung ramkip nih an zoh cang mi a si. Source-Trump Team

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "A buai chin lengmang ko; Trump thawngthanhnak a tuah mi nih vawlei a hninh bak ko hi"

Leave a comment

Your email address will not be published.


*