A chim ning bantuk in January 6 ah a tuah tak tak ko lai ti an zum cang

US thawngpang cu a buai chin lengmang cang ko, President Trump zong a sum duh ti lo, a lungah um mi poah a chim thluamah ko cang. Tu tiang ka sungh ti a chim duh lo nak ruang cu mah January Ni 6 a vun phan ding mi kong hi si lai tiah mi tampi nih an zum

Trump nih a chim mi cu, mah bantuk in kum 2020 president thimnak kongah, vote hlennak le lih a tam ning fiangtein tehte a um bu in Justice Department le FBI nih president thimnak kongah zeihman dothlanak tuah an nih tim lo

Mah election hlennak hi US ram, tuanbia ah a ngan bik a si lai. Mah bantuk in evidence a um ko buin thil dothlatnak zeihman an tuah lo mi cu,

FBI le Justice Department caah ningzah tuk mi thil si cang. Ningzah cik cek in um hna seh. Tuanbia nih a philh ti lai lo. Kan ngol nem mam lai lo. Mi vialte hna, January Ni 6 ah zeidah a tlung ti zoh hna u sih tiin, Twitter le Facebook ah a tial

Joe Biden fapa kong relchap duh mi caah….Joe Biden duh lo tuk mi, Trump nih tuah a tim mi cu a tlung cang lai hi. Joe Biden cu Nihnih Ni ah a fapa Hunter Biden kong ah media nih bia halnak an tuah, Russia disinformation a si kho lai maw?

Joe Biden nih cozah zong cu a mei in a zulh tawng ko cu tiin a chim, Keimah justice Department pawl nih an tuah ding mi an tuah lai, biakhianak le thil sining kongah hruaitu pawl kut ah a um te lai tiin a chim. FBI nih Hunter Biden laptop an tlaih mi a chungah um mi pawl kongah dothlatnak tuak an nih thawk ve cang.

FBI le Justice Department officials nih acting Director of National Intelligence John Ratcliffe sin ah Hunter Biden Laptop chungah um mi hna hi Russia disinformation campaign targeting Biden a si lo ti fiang tein an chim cang

Attorney General Bill Barr nih Hunter Biden tax affairs dothlatnak kongah special Councel tuah a hau lo ti a chim cang. Republican pawl nih Hunter Biden laptop kongah dothlatnak tuah ding hrim tiah an duhnak an langter cang kha.

Mah kongah President Trump nih Special Councel kong ah a lungput zong fiangtein a chim cang kha. Atu cu FBI Director thar kutah thil zeipaoh a um dih cang caah a rau hlan ah thil sining cu thei a si cang lai

Mah thawngpang hi US mipi nih thei an duh ngai mi a si. Joe Biden fapa Hunter Biden nih mah bantuk in ramdang he pehtlaihnak a ngei mi hi Joe Biden Vice President a rak si lio ah thil a cang mi a si

Mah Hunter Biden le ramdang pehtlaihnak an ngei mi kongah a pa Joe Biden zong nih thil zeimawh a tuah lai ti hi an zum ning a si. A rau hlan ah thawngpang fiang thei a si cang lai. Source-RTK

Be the first to comment on "A chim ning bantuk in January 6 ah a tuah tak tak ko lai ti an zum cang"

Leave a comment

Your email address will not be published.


*