A faktuk hrinhrang. Kan unau hna cu, “Thih kan duh lo, misual kan si lo zaangfah tein” a ti ko bu in an thah thluamah ko hna

Mah bantuk in misual ka si lo, zaangfah tein ka thah hla u tiah khupbil in zaangfah a hal thluamah ko bu in a cungah an tuah mi cu celhding si lo. A poi tak tak, mah bantuk dirhmun tian an phan cang i, kan mah an unau aa ti mi nih zeihman tuah kan nih tim lo i, zeitluk in dah zaangfah an si.

Kan zaangfah ko hna u, misual kan si lo, ka kah ti hla u zaangfah in kan in nawl hna’ Atu cu mi tampi an thih cang. Nan kan kah thluamah ah cun kan thih dih lai” tiah paletwa Wa khua, Palatwa Twonship, Chin State ah vanlawng in kahnak ni 14-15 ah a thih mi nih a chim

Khua pathum ah mi tampi thah an si cang. Nai ah khan kawl ralkap pawl nih vanlawng hmangin paletwa cu fakpi in an kah lengmang i, a thih mi an tam tuk cang. A ceu cu zan ah it kho lo in an um i, a ceu cu an inn ah um ngam ti loin khua an kal tak lengmang cang. Caan saupi Kawl ralkap le AA pawl i kahnak ruangah Paletwa Twonship cu i kahnak hmun bik ah a chuak cang.

Hakha khuanu khuapa an thil tuah mi hi a poi tak tak>> Ralkap tlai bik asi mi Min Aung Hlaing le Hakha khua upa tonnak an ngei i; Biak Inn saknak le Paletwa kongah bawmhnak an hal. Chin ramkulh, Paletwa ah Rakhine ralkap AA le kawl ralkap an i kah lengmang caah umnak ngei loin an um pinah ei awk zong ngei lo tiangin an um hna. Hikong he pehtlaiin Hakha khua upa hna nih Paletwa ummi hna caah eidin tha an hmuh khawhnak le motor zong tha tein a kal khawhnak dingah bawmh an hal.

Hakha College ah sak lio mi Biak Inn caah bawmhnak zong an hal. (Min Aung Hlaing sinah tlakrawh an hal). Khua upa bawmh halnak cu kan i zuam ko lai tiah Min Aung Hlaing nih a chim. 2008 Phunghrampi remhnak ah ralkap duhnak in biakhiahnak tuah dih asi. Ralkap nih kawlram cu a duh paoh in a tuah khawhnak cu a hung lang chin lengmang.

Be the first to comment on "A faktuk hrinhrang. Kan unau hna cu, “Thih kan duh lo, misual kan si lo zaangfah tein” a ti ko bu in an thah thluamah ko hna"

Leave a comment

Your email address will not be published.


*