Ainak Khua Pawng Lainawnnak Kong : Update. Mizoram, Siaha khua mi Pi Suite, B. Lalṭhafamkima le Bablu-(kala miphun) hna cu CDF-Mindat chungtel ah ruah mi pakhat nih March 19, 2023 ah khan Mizoram ramri Ainak khua lei ah a kalpi hna i nizan March 22, Zaanlei ah Ainak khua pawng ah an ruak hmuh a si, tiah theih a si.
Min langhter a duh lomi le hi thawng a hngaltu pakhat nih cun, “Pi Suite hi CDF pa he aa hngalmi an si i, phaisa thlennawn kongkau ah Ainak lei ah cun an kal. B. Lalṭhafamkima hi motor ngeitu(driver) a si i, Pi Suite nih a motor a hman mi a si. Pablu hi kala miphun a si i, a konglam fiang in ka thei lo. Anmah a kalpitu hna CDF pa hi CDF-Mindat lei chungtel a si tiah kan theih caah pehtlaihnak kan tuah hna i, hlathlainak kan tuah cuahmah lio tiah a kan leh,” tiah tualchung media ah a chim.
Central Young Lai Association(CYLA), hruaitu pakhat nih, “Hi kong he pehtlai in CNA lei cu kan pehtlaih hna i, thawngfiang an thei ve rih lo, hlathlainak kan tuah cuahmah lio tiah a chim. CYLA lei zong kan member B. Lalṭhafamkima ruak dong ding in kan kal lai,” tiah The Chin Post ah a chim.
Nunnak a liammi hna cu an ruak a rawhral pah caah Siaha khuami an si tengteng ko tiah palik le forensic lei fehternak cu a um lo nain, Siaha khuami pathum hna cawlcangh ning le ruak umtu ning zoh ah anmah an si ko tiah ruahdamh in tualchung mi le zatlang hruaitu hna nih an ruak cu an fimhlawm hna. Hmanthlak : Saiha khuami 3 a hruaitu
Credit: The Chin Post
Breaking News: Mizoram Siaha Khuami Pathum Cu CDF Ah Ruahmi Pakhat Nih A Hlen Hna I, An Nunnak A Laak Hna! Mizoram, Siaha khua mi pathum hna cu CDF misa ah ruahmi pakhat nih phaisa kongah a hlen hna i, 19-3-2023 ah khan Siaha an chuaktak i, Nizan 22-3-2023 zan ah an pathum in Ainak khua pawngah an ruak in hmuh an si, tiah Siaha ummi pakhat nih The Chin Post ah a chim.
Siaha le Ainak khua pawnghrawng zatlang hruaitu hna nih ruak cu an va fimhlawm hna i, Siaha lei an panhpi lio hna a si. Thawngfiang deuh kan hlat cuahmah lio a si. Credit; The Chin Post
NUG hi ruah ning tluk in rian an tuan kho lo tuk timi cu chim hau loin theih dihmi asi ko. Coalition government hmanh thitha in an kalpi khawh lomi cu NLD nih kan ta asi tiphun in tutan dothlennak hi an kalpi pah caah asi. Caretaker nih thla or kum cuzah ah cozah thar ka ser lai a ti i a ser khawh lo tikah failed state a si. Cutikah coalition government a rannak in ser phung a si, cucu zeicadah states kip zongah an ser khawh lo tiah cun NLD nih tutan dothlennak hi kanmah ta tiphun in an i haikhuanh ning a tamtuk deuh caah asi kho.
Chin State ah mipi ralkap nih 90% tluk deng an control cang nain cozah an ser kho lo. Cucu CNF nih a zohkhawh ti lo caah le a herh tuk mi asi caah parties kip he i bawm in Chin State cozah ser an timhmi hi cu a tlamtlin lai ka zumh. Chinmi hi kan lungfim ngai a hau NLD cu ka tangmi party asi ko nain a hrampi thatein research kan tuah tikah 100% cu rak i bochan ding asi hrimhrim lo. Chinmi kan identity taktak le kan nunphung hi kan I fian i kan humhal chin lengmang lo ahcun kan tlai tuk sual lai phần awk a um ngai hi awh.
Hi ca ka tialmi hi dothlennak ah biatuah ka duh ruang asi lo, mitampi nih ramchung buai ka ahkhan kanmah nih phaisa kan kholh a herh lo NUG le CRPH nih pei an kan tuk ko lai cứ an rak ka ti len, nan ruah ning asi lai lo ka rak ti hna i a si taktak ko tuhi. NLD asi ah, miphun dang asi ah, ralhrang cu do ti ko hna usih, asinain lungfim ngai le ralrin cu kan thiam ve a herh bak hi awh. Credit: Chelsea Bawi