A poi bak ko. Covid-19 phunlam buar mi cu a buar lo tiin an luat ter cang ko

Mah bantuk thil ruangah pei Dr. Sa Sa nih UN Assembly tiang a phan pi mi kha a si. Dr. Sa Sa nih facebook ah justice tiah a au pi lengmang mi kha a si. Tu cu fiangtein Dr. Sa Sa chim ning bantuk in kawl pawl nih an tuah lengmang cang ko hi

Saya David Lah cu Covid-19 zulh ding an ser mi na buar an ti, an tlaih, thawnginn ah an chia. Natein amah Say David Lah nak in covid-19 zulh ding mi a buar deu mi Yangon Chief minister cu an luat ter ko.

Yangon Region Chief minister U Phiu Min Thein cu a rian in ngawlter ding tiah complaint an tuah mi cu zahan ni 18 zinglei ah khan Region Hluttaw emergency session ah cei a si. U phiu Min Thein phunlam a buar tiah hlethlainak report tuah a si hnuah vote lak a si

Sual an phawtnak vialte hna cu Yangon ah khuathar sernak kong ah, school bus cawknak kongah Hlutaw (parliament) a thei ter lo ti le, Covid-19 phunlam zulh lo in puai a tuah ti mi hna a si. Mah bantuk in sual an phawtnak hi kochun Township Constituent No. 1 in kuzale U Tin Wina le mi 32 nih minthutnak an tuah i hluttaw speaker sin ah an ap.

U Phiu Min Thein kong hlethlainak a tuahtu pawl nih report an peknak ah cun mah bantuk in sual an phawt mi hi a dik lo mi lawngte a si tiah an chim hnuah vote lak a si i, Minung 117 lakah 102 an um i, Mi 25 nih a sual, phunlam a buar tiah an dirpi lio ah mi  77 nih phunlam a buar lo, tuah sual mi zeihman a ngei lo tiah an dirpi caah Yangon Chief Minister cu sual an phawtnak in a luat cang. Credit: 7 Day News Journal, 18.6.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi bak ko. Covid-19 phunlam buar mi cu a buar lo tiin an luat ter cang ko"

Leave a comment

Your email address will not be published.


*