A poi chin lengmang cang. China ruangah President Trump nih a duh lo bik mi Hong Kong cungah a tuah cang

A poi tak tak ko, Hong Kong mipi cu zaangfah an si tak tak cang ko, mah bantuk in China tangah um an duh lo tuk buin an um a her cang ko. Tu kan vawlei buainak cu China ruang lawngte a si. China le India cu Ladakh ramri ah an buai lio a si. President Trump nih India le China karlakah remnak ser a tim, natein lam a um lo. China le Hong Kong an buai. China nih Hong Kong cung ah national security law a passed cang. China nih Taiwan cu a kut tangah chia a tim. Taiwan tuk a tim lio a si. China le USA cu coronavirus ruangah fakpi in an buai lio a si. Buainak kong chim ah cun China a tel hrim lai ti kha cu fiangtein thei cia a si ko.

President Trump nih cun China nih National Security Law (Upadi) a ser cang caah US nih US Law bantuk in economy lei ah Hong Kong mipi a rak duhsak tawn mi cu Hong Kong mipi cungah hmang a rem ti lai lo tiin a chim.  President Trump nih China mi tampi cu USA ram chungah luh a siang ti lo. China company le entities 33 hna cu blacklist ah a chia cang hna. Cun China siang hngakchia, USA ah ca a cawng mi, China ralkap he pehtlaihnak a ngei mi minung 3000 leng cu USA ram ah ca cawn khoh ti lo in an Visa a phih piak cang hna.

The White House Rose Garden ah “Tu zarh ah China nih Hong kong mipi za lawngtein an um mi cu a chu piak cang hna. National Security law ruangah US nih Hong kong mipi kan rak duhsak tawn ngai mi vialte cu a hlan bantuk in tuah a rem ti lai lo. Sino -Britain biakam zong zei an rel lo. American investor investment firms pawl zong fakpi in kan ruah a her cang.

1997 Sino -UK Joint Declaration cu thatein an kalpi khawh lo. Cucaah Hong Kong mipi sin ah duhsak ngai in thil kan tuah tawn mi kha atu cu kan tuah a rem tilo. Ka rian ttuanti hawi pawl nih a her ning tein thil tuah ding in rian an kalpi cang lai. President Trump nih mah bantuk in Hong kong cungah a hlan bantuk in duhsaknak kan tuah ti lai lo ti achim hnuah Hong kong stock market a buai dih, China nih Hong kong market khamhnak ding caah fakpi in rian ttuan thawk a her cang. Credit- WhiteHouse

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor