A Poi Kho Tuk E Thantlang peng Vomkua khua cu meitlan nih an ram a kangh dih

Thantlang peng Vomkua khua cu meitlan nih an ram a kangh dih, an khua chung te lawng a him tiah khuami pakhat sin in thawng kan theih!

Tuni, April 21 zong hi khuapi tein mei thah ah an i thawh! A pawinak pakhat cu ti an laknak tidong (pipe) tampi a kangh dih caah an khuapi tein rawlchumhnak ti hmanh an ngei lo!

Mei hi zeitindah aa thok ti theih a si rih lo! An khua in chaklei Tikir lam lei in a tho ti lawng an chim khawh!

Lo an duahnak cu a sau pah cang i Lo duahnak in mei a tlanmi cu an hmih dih cang! Tutan a kangmi hi cu mi pakhat khat nih duah/khanghmi a lo tiah an chim!
Relchap….!

Laitlang khuate khuabawi hna cu April 24 ah MAH ralkap lei nih meeting an auh hna! Khuabawi hlun kha kan in rinh hna! A hlun nih a tuan duh lo ahcun a thar i thim u law khuabawi a tuan dingmi cu a hmatpungtin, chungkhar cazin kha zungah a pek/ap lai ti a si!

Laitlang khuate cheukhat cu khuabawi an i thim than i ralkap auhmi meeting zong kai an i tim tiah kan theih! Cuti a si ahcun Laitlang khuate ah MAH uknak a nung kho tinak a si!

Hi kong hi The Chin Post nih fiang deuh in hlathlai kan i zuam cuahmah lio! Tlamtling deuh in kan in thanh than hna lai!

Note (1): Vomkua meikangh nak hi Internet line a um lo caah hmanthlak kan vun chia chih kho lo!

Note (2): Laitlang khuate cheukhat kan ti i aa tel lomi khua an tampi kho ti kha nan kan theihthiam nak lai kan in nawl hna! Credit-TCP

Be the first to comment on "A Poi Kho Tuk E Thantlang peng Vomkua khua cu meitlan nih an ram a kangh dih"

Leave a comment

Your email address will not be published.


*