A poi ngai cang, Chinmi tampi cu ttihnunnak hmun “High Risk Alert’ ah an um cang. Na tuah ding mi

US-ah COVID-19 zawtnak ruangah mi 37,889 an thi cang. A damlo mi hi 715,105 an phan cang.  Nizan in Nihin tiang news stories tete ah Covid19 nih Essential stores pawl a von den cuahmah cang. Caw sa thahnak ‘Meat productions’ ‘warehouse’ McDonald ti ban tuk essential stores ah confirmed cases tete an um hna.

Chinmi hi essential stores ah riantuan kan tam caah, “High Risk Alert” ah kan um cio cang hna. Food productions pawl cu khar awk a ttha lo. Cucaah, Risk tampi lakah a ttuanmi kan tam tinak a si.

Cun, kan Chin communities lak zongah confirmed cases a von kar thluahmah. DC area an a thimi kan ngeih. Battle Creek ah pakhat kan ngei rih. Cucaah, “extra caution”  a hlei in iveng kan herh ngai tinak a si. Covid 19 hi a ngan a dammi le mino caahcun ttih tuk awk cu a si lo. Seasonal flu bantuk a si.

Asinain, a khamhnak le a damhnak sii a um rih lo caah, Kum upa pawl le damlohnak dang a ngei ciami pawl caah ttih a nung tuk. Cucaah, kan nulepa an himnak ding, kan taar le an himnak ding, kanmah cio zong kan chung ah damlohnak dang a um le umlo a hngal lomi vialte kan caah High Risk a si caah, kan Inn chungkhar ah Virus  luhpitu silo ding hi pakhat cio kan iralrin a herhnak cu a si

Pastor David Lah hi minung lei hmuhning ahcun a mual a pho ti khawh a si…….“CoronaVirus hi scientist nih an sermi chemical, a leak mi a si” tiah evidence a lomi cu, a si taktak bantuk in a sermon i, ngaitu tampi Lungaw-ttawm in a chiah hna. “ ziah, upat ngaimi cawnpiaktu nih mahbantuk pi cu a chim hnga,” tiah comments an pek cio.

A von pehmi ah “If you hear the sermon of God, the virus will never come to you, I declare it with the soul of Jesus Christ.” a ti rih. Asinain a chimtu lila cung ah Virus  a phak tikah ruah ding a tam. Minung lei sining ahcun mualpho cazin ah chiah khawh a si. TB Joshua nih “US President ah Hillary Clinton a tling lai. Pathian nih a ka chimh” a ti nain a tak a phan tikah Trump a tling diam. Cucaah, Minung tampi nih false teacher ah an ruah colh bantuk kha a si.

Laimi tampi hi miphun le biaknak kong ah kan Lung a rang deuh in a lang. Tedim ah Covid 19 an hmuh kong an thanh tikah, “a dik lai lo. Chin miphun an kan namneh a si” tiah tampi nan zai colh. “Racism” a si tiah nan tlikpi. Nain “ caan times” nih nan palh an hngalhter hna.

Atu Pastor David Lah kong ah “biaknak thleidan a si” tiah “religious discrimination” lei ah nan tlikpi colh hawi. Zeithil paoh hi a context hi zoh hmasa peng a ttha. Cun, amah context chung ah comments pek thiam zong hi a biapi ngai fawn. Zeithil paoh hi, a Context zoh loin, “racism le biaknak thleidan” lei rumro ah zei paoh kan merh ahcun, cucu kan miphun caah thiltha a si lo, ka ti.

Covid 19 Virus  in a zawmi cu vawlei pumpi ah 2 millions an phan cang. A thimi hi 126,812 an phan cang. Laimi chungkhar sin zong ah a phak cuahmah ve cang caah, ileng kai kha hrial bak rih ko hna usih. Iralrin hi si/medicine thabik a si ko. Nuam tein ilengkai khawhnak niceu ttha kan hmuh zau ko lai. Credit- Zasang Cinzah

Be the first to comment on "A poi ngai cang, Chinmi tampi cu ttihnunnak hmun “High Risk Alert’ ah an um cang. Na tuah ding mi"

Leave a comment

Your email address will not be published.


*