A poi ngai; Suu Kyi caah thawngchai ngai; A duh zong duh lo zong ah atuah cang lai

Kan Pi. Suu Kyi nih a duh lo ngai mi cu, a duh zong duh lo zong ah a tuah a her cang. UN human Right nih Rohingya Muslim pawl kongah biakhianak an tuah cang. June 22 United Nation Human Right Council, Session 43rd nak cu Geneva khualipi ah ngei a si.

Mah session ah hin Myanmar ram Human Right kong ah European Union nih resolution a chuahpi mi, ” Situation of human rights in Myanmar” ti cu cei a si. Member 37 nih mah kong hi ceitlak a si tiah an ti caah cei a si

Mah session ah hin Myanmar ram kuzale  U Kyaw Moe Htun zong a tel ve. U Kyaw Moe Htun nih point 5,  hmangin Rohingya pawl an thil tuah ding le an Cozah ral an si ning a chim, natein member a kal mi nih a chim mi hi an cohlan piak lo.

Mah UN human Rights council session ah European nih a vun chuapi mi hi vote hmangin fekternak tuah a si. Venezuala le Phillipine ram nih myanmar cozah an dirpi.  Myanmar, Angola, Cameron, Democratic Republic of Congo, India, Indonesia, Japan, Nepal le Senegal ram pawl nih Mee an thlak duh lo (absention)

Mah bantuk in UN human right nih European Union pawl nih an chuapi mi kong ah biakhianak an tuah cang caah, Myanmar ram nih a duh maw duh lo zongah Rohingya Muslim pawl hna cu Myanmar ram chungah lak than ding a si cang lai.

2017 kum ah Myanmar army nih ARSA tapung pawl a doh ruangah Muslim Rohingyar mi 24,000 leng an thi tiah chim a si. Mah ruangah sualnak a ngei lo mi Rohingyar tampi nih kawlram an chuatak i, mi tampi cu Bangladesh ram chungah ralzam in an um. Bangladesh Cox Bazaar ah, Kutupalong refugee camp ah Rohingyar muslim ralzam hna hi minung  6,00,000 leng an um cang. Credit-CSM

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi ngai; Suu Kyi caah thawngchai ngai; A duh zong duh lo zong ah atuah cang lai"

Leave a comment

Your email address will not be published.


*