A poi tak tak ko; Trump cu pahnih in a sung ve ve ko cang

 

A poi tuk ee, Setan a lawm tuk lai i ka celh bak lo. Pathian ka zum a ti mi caah cun um sawh sawh ngam ding a si ti lo. Apo tak tak ko, mah bantuk in thil a tlung cang caah USA ah zumtu tampi an ngaihchiat ngai tiah thei a si. America ram chungah nawlngeitu bik le President nak in nawl a ngei deuh mi an ti mi hna cu Supreme Court Judges pawl hna hi an si.

America nih setan duhnak lam a zulh lai maw, Pathian duhnak lam a zulh lai maw, zeibantuk lam an zulh lai, Liberal Ideology lei ah maw an kal lai Conservative Ideology lei ah an kal lai tiah biakhianak atuahtu hna cu Supreme Court Judges pawl hna hi an si. Cu caah President nak in ngawl ngei deuh mi an si tiah an ti tawnnak cu a si

Thei cia bantuk in President Trump hi nudawk, padawk pawl a duh lo/huat ngai mi a si, mah bantuk in Pathian nih minung hi a kan ser lo tiah a ti tu a si. Cucah USA ralkap ah nudawk padawk pawl hna cu an rian in ngawlter khaw din hmun an phan caan caah le nudaw padawk in i thleng khawhnak ding caah USA cozah nih tangka a liam tawn mi vialte hna cu Trump nih dawngter a tim

Natein Supreme nih mah kong hi a cei hnuah supreme Court Conservative Judge Neil Gorsuch nih LGBT pawl hna cu a dirpi caah Democrat/Nudawk padawk pawl nih teinak an hmuh

Mah lawng si lo in Obama President a si lio ah a sermi DACA program cu Trump cozah nih dawngter a tim. Mah zong hi Supreme court nih a cohlan lo i, President Trump cu a sung hoi cang. Kum 2016 election lio ah fakpi in a aupi mi, DACA cu President Trump nih a duh ning bantuk in a tei khawh ti lo tinak si cang.

DACA ah hin ramdang in a rah mi, Cozah theipinak tel lo in a rah mi pawl hna hi USA citizenship a ngei mi bantuk in an duh poah rian ttuan khawh ti a si i, cun USA mipi bantuk in vote an ngei khawh lai tinak a si, mah hi President Trump nih a duh lo ngai mi a si, fakpi in a doh, natein amah nak in nawlngei deuh mi Supreme Judge pawl nih Obama lio ah a rak tuah mi DACA cu a cohlan cang caah President caah thawngchia bak si cang

Supreme Court bia khianak an tuah nak ah hin Conservative Judge John Roberts a cu Liberal lei ah a dir caah DEMOCRATS le left le Pathian duh lo ning in thil a tuah tawn mi nudawk padaw pawl nih teinak an hmuh cang caah USA cu Setan nih teinak a hmuh cang tinak si. Credit- FoxNews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tak tak ko; Trump cu pahnih in a sung ve ve ko cang"

Leave a comment

Your email address will not be published.


*