A poi tak tak; NLD hi mah bantuk in mawh an si cang ko lai. Kawlram a buai dih cang ko lai?

NLD nih 2020 ah Cozah a dirh kho ti lai maw?  Amyotha Hluttaw ah MP members 224 an um. Ramkulh ah MP thutdan 84, Ramthen ah 84 le Ralkap in 56 tiin a um. A dihlak fonh ah 224 a si.

Pyituh Hluttaw ah MP members 440 a um. Ramkulh ah MP 123, Ramthen ah 207 le Ralkap ah 110. A dihlak fonh 440 a si. NLD nih Ramthen ah teinak a hmuh khawh dih a si cun MP 291 lawng a ngei lai i Cozah dirh kho than ding a lam um lo. Aruang cu Cozah dirh khawh nakding ca ah MP 333 a ngeih herh.

Cu a si ca ah NLD nih Cozah a dirh khawh nakhnga tlangcung party pawl a tei dih a hau. Asinain a tei kho lai maw? Tei kho bak hlah. Aruang cu tlangcung mi nih NLD hi zaa ah zaa kan zum kho ti lo. Hakha zong nih, Falam zong nih, Tedim zong nih, Thantlang zong nih, Kanpetlet zong nih, Matupi zong nih, Paletwa zong nih zaa ah zaa thapek an si ti lo.

Hakha ah zeidah a cang: a fawinak in phung lonh in inn an hrawhpiak dih hna. Sangthar an samhmi ah dik lo le fel lo rumro in khua an khang mizapi nih theih a si. Falam Peng ah zeidah a cang: Bualpi an khuapi ning ngawt in inn a hrawhpiak dih hna. Laizo hmun kong a si rih.

Tedim Peng ah zeidah a cang: Khuate ah khuapi pek ding le pek lo ding ah buainak nganpi a chuak. Paletwa ah zeidah a cang: Khuami minung tam tuk an nunnak a liam mi a zoh sawh lawng si loin ei din an ngeih lo lio ah a hna aa chehter. A mit aa cawtter. Atu nai ceo lawng in a thluak a chuah.

A sau lai ca ah a dang khi ka rak chim ti lai lo. Myanmar ram huap in kan zoh a si cun Kachin nih an pe lai maw? Naisai. Mon nih an pe lai maw? Naisai. Shan nih an pe lai maw? Naisai. Kaya nih an pe lai maw? Naisai. Rakhine nih an pe lai maw? Naisai.

Mah le miphun party cu: Kan miphun a ngan a dam lonak, kan ramri a dam lonak, Chin calai biaknak a dam lonak a damter khotu an si lai ca ah miphun party te hi dirhkamh ding kan si ko lo maw? By- Salai Tluangte. Chirhchanh: Pastor Salai Bawi Cung Lian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tak tak; NLD hi mah bantuk in mawh an si cang ko lai. Kawlram a buai dih cang ko lai?"

Leave a comment

Your email address will not be published.


*