A poi ti lo cun chim ding um ti lo. Joe Biden nih Israel duh lo bik mi cu a tuah tak tak ko

Israel ram caah Trump US President a si ti lo mi apoi ning cu a fiang chin lengmang ko. Trump policies hlawn ding in Joe Biden Administration nih thil a tuah thluamah cang ko.

Tu Zarh ah US nih Human Right he pehtlaihnak a tuah than lai ti thawngpang a um. Kum 2018 ah UN Human Right Council in Nikki Haley Ambassador a rak tuan lio ah a chuah tak mi kha a si.

US President Joe Biden administration nih UN Human Right Council hi “Observer” bantuk in pehtlaihnak a tuah hmasa lai

Nikki Halley UN Ambassador a rak si lio ah, UN meeting ah Palestinian le Israel kongah, UN human Rights Council cu thleidangnak (Bias) tiin Israel ram cu heh tiah a dirpi tawn

Biden nih Human Rights Council ah ram dang, tampi cu an thil tuah ning le an thil kalpi kongah i thleng ding mi tampi an ngei tiin a chim ve.

Natein mah ram pawl cungah rian tuan khawh nak ding caah cun UN Human Right Council hmangin rian tuan a her tiin a chim.

Joe Biden Admin nih Trump Era organization dang dang a chuah tak mi hna cu pehtlaihnak tuah than ding in heh tiah rian a tuan lio a si

US official nih, Secretary of State Antony Blinken and Senior US diplomat, Geneva sin in bia le hla a hmuh ning a cun, Nikhat ni ah Biden admin nih UN Human Rights Council cu pehtlaihnak a tuah than lai tiah a chim

UN Human rights Council ah hin China, Cuba, Eritrea, Russia & Venezuela zong an nih tel ve. Trump administration nih Human rights zei rel lo in rian a tuan tawn tu ram an si tiah a rak chim mi kha an si

US officials 3 nih an chim ning a cun, Biden administration nih UN Human rights Council cu “Observer” bantuk in pehtlaihnak a ngei hnuah Full members in a chungah rian a tuan lai tiin a chim

A ruang cu Biden administration nih UN Human rights Council 2021 kum dih i thlim nak ah Austria, Denmark & Italy ram hna cu Full members an si khawh nak ding caah rian tuan a tim

Mah bantuk in US nih UN human right he pehtlaihnak a ngei than ding mi hi Israel ram caah cun thawngchia tuk mi a si. Aruang cu UN Human right thil tuah ning zoh a cun Israel ram caah cohlan khawh ding mi a si lo caah si. Source-RTK

Be the first to comment on "A poi ti lo cun chim ding um ti lo. Joe Biden nih Israel duh lo bik mi cu a tuah tak tak ko"

Leave a comment

Your email address will not be published.


*