A poi tuk cang ee!!! Democrat (Setan pawl) nih USA palik cungah thil tuah an nih tim mi cu

Franklin Graham Nih US Police Caah A Chimmi…Minak pa, George Floyd a thihnak khua, Minneapolis City Council chungtel hna ih zarhpi ni ah khan police pawl cu bawmhnak phaisa pek ti lo dingah an thanh. Mah ruangah Minneapolis khua hi zeitindah mipi hum himnak le irunvennak an tuah lai timi hi an buai ngaingai mi a si, Crime a tam ngainak le rit-hai sii a tamnak khua a si caah Rev.Franklin Graham nih US rampi a vengtu police caah a ngeichiatnak le a thinphannak a tialmi a tawifiannak in kan leh piak hna. US ah hin mah bantuk a buai tukmi khua hi mirum le mirang tampi nih an chuak taak tawn i, an khua cu ghost town timi, hohmanh um duh lonak mi-thla khua bantuk ah a cang tawn ti a si.

Franklin Graham Chimmi: George Floyd a thih cu ngaihchia tuk a si, mah ti hin a can ding cu a si hrimhrim lo, a thar in pandemic achuak than sual lai tiah kan thin kan I domh lio caan a si. George Floyd thih ruangah ah democrats pawl nih Mianapolis khua i police pawl fund pek ti lo le police department hrawh in a phichuah an timhmi a si.

Mah bantuk ram caah tuanvo laak duh lonak lungput le idea hi ka hmuh le ka theih hmasa bik a si lai. Mah bantuk nih hin kan ram rawhralnak le phung buarnak tu tampi a chuah tertu ding a si. Kan nih cu ram ngeimi kan si bantuk in phung [upadi] a ngeimi ram kan si. Upadi a hnehter tu, enforce a tuahtu um a hau.

Khoika hmun le caan poah ah police nih thil sual tuah le miphun thleidannak an tuah ding cu a si hrimhrim lo, an tuah hmanh ah an ngol ding a si. Asinain atu cu police mitha tampi nih an rian in chuah ding le tuante in pension laak dingah khua an ruat ve cang, a ruang cu police pawl chungah kan thil tuahmi ruangah a si ve.

Police tampi nih anmah le anmah bia an I halmi cu: Zeiruangah dah nunnak thap in mipi caah rian kan tuan I, mipi lila nih an kan huat fawn? tiah an lung a faak. Kan himnak a kan vengtu, Police pawl caah thla kan cam I, thazang kan pek ve hna a herh.

Police nan hmuh hna caan ah, mit hmai pamh te pe hna uh, nan kutza zauh hna ulaw, nan kutpi te thlir piak hna uh, an pawng nan phak caan poah ah” Bawipa nih thluachuah in pe seh” tiah ti hna uh law, an cungah nan I lawmhnak langhter hna u, thla kan in campiak hna tiah chim hna uh. Bible nih a kan cawn piakmi cu, Daihnak sertu hna cungah thuachuahnak um ko seh a ti. Kan himnak caah rantuantu hna police pawl hi kan lawmh hna lai maw? kan kal taak hna lai dah? Nan ruahnak chim cio tuah uh!? tiah a faebook ah a tial. Credit-Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tuk cang ee!!! Democrat (Setan pawl) nih USA palik cungah thil tuah an nih tim mi cu"

Leave a comment

Your email address will not be published.


*