A poi tuk cang; US nih Israel thil tuah ning a cohlan ning a langter ve cang

 

Israel mipi nih former president Trump an hlam tuk cang lai hi. Obama President a rak tuan lio ah Isreal a dirkam lo ning fiang cik cek in kan thei cang lai ka zum. Isreal zong nih Obama cu Israel ral bantuk tiang an hmuh kha. Trump President a vun tuan than hnuah Isreal le US cu pehtlaihnak tha tuk mi an tuah than.

US Presiden pawl nih an rak tuah ngam lo mi cu Trump nih a tuah thluamah ko. Jerusalem ah US Embassy a chia i,

Jerusalem hi Isreal khualipi a si tiin cohlan a tuah hnuah vawlei ral voihthumnak a chuak lai tiin mi tampi nih an zum ning kong an chim

Natein Palestine pawl le Muslim pawl nih Trump cu an tih bak ti fiangtein a lang. Palestine nih zeitin hman thil a tuah ngam lo. Ramdang zong nih Jerusalem ah an embassy an cuamah ve. Joe Biden president a vun si than hoi i, thil a thleng ngai hoi cang

Joe Biden admin nih an lungput fiang cik cek in an langter cang. Isreal nih West Bank ah Juda pawl umnak caah inn tampi a sak mi cu US nih a cohlan lo ti a chim i,

mah bantuk in Isreal nih thil a tuah ruangah Palestine le Israel kar lakah buainak fakpi a chuak lai tiah a chim

State Department bia chim tu Ned Price nih a chim ning ahcun, Israel cozah nih mah bantuk in west bank ah Juda pawl umnak caah inn a sak mi hi kan cohlan lo ti a chim i, Palestinian ram chungah outpost tuah ding mi kong zong a chim.

A chim chap ning ahcun, mah bantuk in Isreal cozah nih mi tampi/Juda umnak caah inn sak a tim mi hi thatein kan zoh peng.

Mah bantuk in Isreal nih inn sak a tim mi hi buainak a chuahpi tu a si lai tiin a chim. Natein, Isreal nih mah bantuk in West Bank ah Juda pawl umnak caah inn sak a tim mi kongah

US nih hremnak a pek lai maw ti lei cu zeihman a chim lo. Senior level ah Isreal hruaitu pawl he thatein kan ceih cang i, kan lungput cu an thei dih cang ko tiin a chim. United Nation zong nih Isreal thil tuah ning hi a soisel ve i, Palestinian ram chungah Juda pawl umnak ding caah inn an sak mi cu International law tangah phunglam buar a si tiin a chim.

European Union zong nih Isreal cu west bank ah inn sak lo ding in a nawl ve. Isreal le US hi pehtlaihnak tha tuk mi a ngei mi an si.

Israel housing minister Zeev Elkin nih a chim ning ahcun West Bank-ah Juda pawl caah inn tampi sak piak hi Israel hmai lei caah aher tuk mi le a biapi tuk mi a si tiin a chim. Obama le Joe Biden president tangah Isreal le US hi thatein rian an tuan ti khawh lai lo tiah a zum mi tampi an um. Cre-RTK

Be the first to comment on "A poi tuk cang; US nih Israel thil tuah ning a cohlan ning a langter ve cang"

Leave a comment

Your email address will not be published.