A poi tuk ee; A thining cu a fak hrinhrang ko. Chinmi nih kan tuah lo ding mi ti a kan cawn piak tuk si hram seh

Minung kan nunnak hi zeihman a si lo ning hi!! Amah nih cun ka thi lai ti a zum hrim lai lo, Phone a tawn i, a phone cu battery a low caah a charge. Mah phone a charge mi cu a pum cungah a chia. Vanchiat in Electric shock ruangah a thi cawlh ko. Thei ding mi pakhat a si mi, natein kan tuah duh lo mi thil cu phone charge lio ah  tawng lo ding a si. Natein mi tampi cu zeihman a si lai lo ti lungput an ngei ruangah charge lio ah midang he i chawn ti bantuk an hmang. Mah bantuk in charge lio ah cun ralrin tein Mobile tawng lo in um i zuam ding a si

Tu a thimi hi Thailand ram Nan District, Lawngpaung khuaah um mi a si. Amah hi kum 32 mino lio te a si. April 30, suimilam zanlei 2 ah a pum cungah phone charge a chia mi cu electric shock ruangah a thi tiah source nih a chim. Mah thawngpang hi Sem Yen Wiung Chewan nih a hman mi a si tiin a phuan. Source- Koaungkyi Mcra SH. Photo Credit : Thairad

Hakha ah thawngpang a lar ngai mi pakhat a si ve cu pastor pa kong cu mah ti hin a si…..Hakha khuah ah kan far nih coronavirus zawtnak a ngei ruang Laitlang kan buai dih, mi tampi nih media pawl fakpi in soisel le thangchiat an si, a ruang cu an luangtuk caah a si men lai. Natein Media pawl nih media rian a si ttin fakpi in an dir ve. Thiam ancohter ve ve hna, mah bantuk thawngpang in Laitlang a hninh lio ah thawngpang dang a vun chuak tthan mi pThantlang Peng, Tlanglo khua Baptist Pastor (Pension) Rev. Ngun Hau cu COVID-19 nawl buar ruang ah Thantlang Palek nih voi hnih tiang an auh hnu ah Biaceih Zung nih thla thum thong can ai ah tangka sing 3 daan an tat i a luat cang, tiah kan theih.

“April 12 Thawhthan zarhpi zing ah khan Tlanglo khua Baptist Biakinn ah amah lawng thawngtha a chim. Khuami minung 30 leng anmah chuah in an hung chuak i an i pumh lio ah kan khua sii sayama nu nih hman a thlak i cunglei a theihter hna ca ah Cozah kawh auh a tonnak a si,” tiah BCJC upa Pu Ngun Za Thawng  a chim.

2020 April 28 ah Thantlang biaceih Zung nih thla thum thong can ai ah tangka sing 3 daan an tat i a bia an dither cang, tiah kan theih. Hi bantuk thiamthiam in Hakha zong ah Rev. Biak Lin Thang (COTR Pastor) le Evan Tawk Uk (Australia) zong Lungtat chiah rawn ah camping March 23-30 tiang tuah timh mi cu, March 28 ah Cozah nih an lawiter hna i tuanvo ngeitu Rev. Biak Lin Thang le Evan Tawk Uk cu Hakha thong ah nihin tiang biaceih ding in an chiah hna.

“Hi hna pahnih zong hi Hakha Biaceih Zung nih voi 4 biaceih ding in an auh hna. April 30 ah zung chuak ding in a voi 5nak an auh than hna,” tiah COTR District President Rev. Chan Lal nih a chim. Rev. Biak Lin Thang le Evan Tawk Uk hi Hakha thong ah thla khat an um cang tiah kan theih.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor