A poi tuk ee; AA ralkap nih Paletwa ralzam bomhnak a phur mi motor cu ceilak in an kah cang hoi

AA pawl hi kan ral an si lo ah cun zia mah bantuk in Chinram Paletwa ralzam pawl bomhnak caah a phur tu motor cu an kah lengmang. Mah bantuk in Chinmi caah harnak le buainak a sertu hna hi kan ral cu an si lo kan ti peng ko lai maw? AA pawl he pehtlaihnak kan ngeih lo ning cu a fiang tak tak ko cang, Chinram hi lak an nih tim ti fiangtein a lang cang ko lo maw? Atutiang kan fim lo ah cun Chinram Paletwa hi Chinram map chungah a rau hlan ah phih a si lai

 

The Hakha Post nih fiantein tuni ah AA pawl an thil tuah mi a langter cang ko hi. Mah bantuk in Chinmi cungah thil thalo an tuah peng mi, atutiang zeihman colhcang lo in Chinmi kan um peng hi a si kho mi a si ti lo

Paletwa khuachung ah aa dor mi ralzaam hna ca ah facang a phur mi motor pahra AA nih an kah. Paletwa ralzaam minung 3700 leng ca ah facang tun 700 leng a phor mi motor pahra cu Paletwa khuapi an phak lai Paletwa, Sami le Rakhine ram Kyauhdaw lam aa ton nak Nga Bui khua pawng ah an kah hna tiah People Hope Oraganization (Sami) Lutlai Saya Jolly Aung Sin in kan theih.

“Facang an phurh mi hi tun 700 leng a si. Motor rawk le minung hliam a tuar mi cu an um lo. Cun, facang an chuh mi zong a um lo. Anmah cu an him ko nain lam lak ah an hren hna. Paletwa zong lut kho lo, Sami zong kir kho loin an um,” tiah The Hakha Post ah a chim.

Paletwa ah ralzaam minung 3700 leng an um. AA an tih ca ah bawmhnak hi Paletwa ah a phan kho lo. Atu ah ei awk din awk ngei loin an um tiah theih a si.