A poi tuk ee!! Bawmnak kongah thawngtha ti lio ah Thawngchia a si tthan hoi?

US um Chin mipi tampi zong nih a rang khawh in hmuh an duh cang mi Coronavirus bawmnak cu Democrat nih buainak an ser peng caah biakhianak an tuah khawh ti lo caah Trump nih Zarte nih suimilam 3:30 PM ah min thutnak a tuah cang (fiangtein Chinpage ah ka ttial cang kha)

Democrat pawl nih fakpi in an soisel sel, mah an soiselnak kong zong Chinpage ah fiangtein ka ttial chi cang. Democrat pawl nih Trump Executive order  kongah buainak ser an nih tim i, mah kongah  Treasury Secretary Steve Mnuchin nih Democrat pawl hna cu ralrinnak a pek cang hna


Trump nih a tim ning ah cun tu bawmnak hi minung pakhat sin ah $400 pek a si lai, mah hi zarkhat caah a si. Zarli ah cun $ 1600 a si lai tinak a si.

Mah kongah hin Democrat pawl nih an duh mi $ 3 Billion cu house ah an pass cang. Mah $ 3 Billion an passed mi cu coronavirus he pehtlaihnak a ngei lo mi tampi a um caah Senate ah  Republican pawl nih $ 1. Billion si seh tiah an passed

Mah kongah Democrat pawl nih an duh ning bantuk in thil kal seh an ti caah bawmnak tangka senate nih a passed cang mi cu mipi sin ah phawt ding in tangka an chuah duh lo. Zarkhat ceihmainak ngei a si hnuah zeihman biakhianak a um lo caah Trump nih Executive order hmangin min thutnak a tuah (Mah hi mirang holh nih cun Bypass Congress ti a si)

Mah kongah hin Democrat pawl nih Court ah kalpi an nih tim. Mah bantuk in a si caah Treasury Secretary Steve Mnuchin nih Democrat pawl hna cu a tlerh hna i, mah bantuk in an tuah ah cun US mipi sin ah aruang tam pi an chim a hau.

Mah bantuk in Coronavirus ruangah mipi nih harnak an tawng lio ah le bawm an her lio ah Democrat pawl nih buainak an serlengmang nak kong hi fiangtein an chimh a her tiah a Treasury Secretary Steve Mnuchin nih a chim. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tuk ee!! Bawmnak kongah thawngtha ti lio ah Thawngchia a si tthan hoi?"

Leave a comment

Your email address will not be published.


*