A poi tuk ee!! Cozah sin ah phuhlamnak a tuah ning cu tih nung bak ko

Hakha ah cozah nih mi tampi in a hrawh piak i, inn ngeitu pawl daihtein an um bantuk he cung a dang ngai. Mah bantuk thil hi ruat ah cun cozah thiamlo ruangah a si tiah mi tampi nih an chim

Southwest China Ashun khualipi ah Bus mawngtu, kum 52 a si lio mi inn cu State-Sponsored Developers nih an hrawh piak ruangah a thin hun a celh lo caah Bus a mawngmi cu tiva chungah, mipi a cit mi he a zuangthlak pi i mi 21 an thih. Mah hi Hongshan tiva (lake) ah a tlung mi a si. Mah Bus aa cit mi ah hin Gaokao College ah entrance test/ tuah ding in a kalmi tampi zong an um tiah thei a si

Police lei nih an chim ning ah cun ‘bus driver’ nih hin cozah nih mipi umnak caah inn an sak mi ah tangka pek in a um ve.  ‘square foot 430’ a kau mi cu remtthan ding in ti a si. Cun, inn hi nawlngeitu lei nih an hrawh. Mah pa hi bawmhnak  $10,000 tangka pek ding tiah cozah nih an ti

Bawmhnak tangka cu cozah lei nih an pek duh lo, cun a luancia zar ah khan cozah sin ah a haltthan (claim) i, natein cozah nih an pe duh lo. Cozah nih bawmh ding anti mi zat tangka a hmuh khohlo caah inn ngei lo in a um

Cozah nih a cungah an tuah mi cu a thin hun tuk caah, Cozah sin ah phuhlamnak ding caah Bus a mawngmi cu tiva chungah zuangpi a tim caah, office a kal hlanah zu a ding hmasa. Mah bantuk in thil a tuah hlanah a darling sin ah message a kuat i, Message a ttial mi ah cun ‘ Vawlei thluachuah nih a ka kaltak ti bantuk in a ttial.

Cun, chun ah Bus cu cu tiva lei ah a mawng thluamah i, Bus a cit mi vialte he tiva ah a zuang pi hna. China re-development schemes ah inn kum saupi an rak sak cang mi cu, hrawh i, ‘malls’ caah sak si seh tiah plan a um. Natein mah bantuk inn ngei lo mi umnak hrawhpiak an si ah cun cozah sin in bawmhnak an ngah ding a si.

Natein mah pa hi cu cozah nih tangka bawmhnak a pe duh lo i, amah zong nih a va hal hnuah an halnak cu phih piak a si caah mah bantuk in cozah sin ah phuhlamnak ding caah Bus a mawng mi le mipi a cit mi cu tiva ah a zuang thlak pi hna hi a si. Cred-New York Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor