A poi tuk ee!! Mah bantuk in mipi nih duh lonak an langter lio ah Mon miphun party thil tuah mi cu!!

Mon miphun party nih ralkap cozah he riantuan ti dingah bia an chah hoi. Vuanci asiloah State Adminitrative Council ah thutdan zong an laak lai.

Democtay leirawltu party tiah tuanbia nih record a tuah hna lai. Arakhine National Party, Karen people Party zong ralkap cozah lei ah an ttang.

Miphun party a timi pawl an tial a lang, miphun dirkamhtu maw an si? ralkap dirkamhtu dah an si? asiloah thutdan party cu maw an si tak ko? Credit-RFA & Salai Lairam Thang

Zahan ah State Counsellor Daw Aung San Suu Kyi cu chuah a si cang tiah thawngpang tam ngai. Mah kongah

Daw Aung San Suu Kyi sihni a tuan lio mi nih fiangternak a tuah i, mah bantuk thawngpang hi a dik lo mi a si tiin RFA sin ah a chim.

Daw Aung San Suu Kyi sihni U Khin Maung Zaw nih a chim ning a cun, mah bantuk thawngpang hi a hman lo mi a si.

Thawngpang dik lo mi a si, Daw Aung San Suu Kyi an thla cang ti mi cu lih a si, zum lo ding a si tiin RFA sin ah a chim.

US zong nih China a chawn can i, China cu Kawl ram thil a cang mi kong ah kawl ralkap hna fakpi in soisel ve ding in a ti.

Tu tiang China hruaitu lei in, Kawl ralkap an thil tuah mi, soisel le thangchiat a um rih lo caah, ramdang zong nih China bia le hla an zoh ve lio a si

Cun Senate Minority Leader Mitch McConnell zong nih kawlram cu heh tiah aphomh ve cang i, mah bantuk thil a tuah mi hi i let than ding in a ti.

A let than lo a cun fakpi in dantat a si lai tiah a chim ve cang. Credit- RFA

Chinpage rel tawntu hna nih kawlram kong tampi vun tial tiah request a um caah kawlram thil cang mi kong he pehtlaih in mipi nih thawngpang a hman mi kan thei lengmang khawhnak ding caah ka vun tial lengmang lai. By-Chinpage Chief Editor

Be the first to comment on "A poi tuk ee!! Mah bantuk in mipi nih duh lonak an langter lio ah Mon miphun party thil tuah mi cu!!"

Leave a comment

Your email address will not be published.


*