A poi tuk ee!! Min Aung Hlain nih internet kongah a duh ning bantuk in phunglam a rem than

Mipi lei in heh tiah an duh lonak an langter thluamah i, ni fatin ralkap cozah thil tuah mi a duh lo mi an tam thluamah caah

ralkap cozah nih zeitindah mipi hna hi ka uk khawh lai tiin heh tiah lam a kawl ve. Ralkap cozah nih Cyber law Draft cu February Ni 15 ah confirm ding in lam a kawl,

natein Computer Organisation pawl nih heh tiah an doh caah Cyber law nak in phunglam a um cia mi Electronic Transaction phunglam cu a rem than.

Mah Electronic Transaction ah hin, mipi dantat ning, le mipi cungah zeitin kan uk lai tiah, mipi uk khawhnak ding lam tampi an chap tiin VOA nih a phuan

Atu hi ralkap cozah nih 1:00 in 9:00 a.m tiang internet line a pek mi cu a duhsah ngai, Mah bantuk in Ni 3 a tuah cang.

Mah  1:00 in 9:00 a.m ah internet line ralkap cozah nih a pek mi cu 15 hrawng in a khulnuar tiin source nih alangter

Ralkap cozah nih facebook le social media dang zong hmang kho lo in a tuah, Natein mi tampi nih VPN hmang in heh tiah Internet cu an hmang than.

Mah bantuk in ralkap nih internet a khulnuar ter ruangah lam a zawhmi an tlawm hlei lo tiah thei a si

Mah bantuk in ralkap cozah nih facebook le internet kongah heh tiah mipi nih hmang khawh lo ding in rian a tuan lio ah,

ralkap nih bia aphuan tawnnak MRTV live Page cu facebook in hlawn piak ding in mipi nih heh tiah facebook an nawl caah tu Ni ah Facebook nih MRTV live page cu a phih piak tiin source nih a chim

Cun MRTV live page facebook nih a phih piak hnuah, MRTV facebook page dang zawng hmang kho lo in tuah ding in mipi nih facebook cu heh tiah an nawl than

Internet Communication hrawh piak hi Democracy phunglam buar a si tiin Myanmar ram caah UN rian tuantu

Christine Schraner Burgerner nih ralkap hruaitu pahnihnak a si mi Vice Senior General Soe Win he an nih chawn lio ah a chim. Credit: VOA Burmese.

Be the first to comment on "A poi tuk ee!! Min Aung Hlain nih internet kongah a duh ning bantuk in phunglam a rem than"

Leave a comment

Your email address will not be published.


*