A poi tuk ee!!. President Trump caah thawngchia lawngte si ko cang

President Trump caah thawngchia lawng te si ko, fakpi in USA caah rian a ttuan zong ah soisel le thangchianak in USA a khat dih cang caah fakpi in thlacam piak lo ah cun amah zong coronavirus a ngei sual lai ti phan a um cang.

A rian ttuanti hoi tampi coronavirus an ngei cang, natein amah President cu tu tiang mah bantuk thawngpang cu thei ding a um lo

President Trump he a hmuh peng mi, National Security Advisor Robert O’Brien zong Coronavirus a ngei cang tiah White House nih a chim. White House nih fiangternak a tuah ning ah cun O’Brien hi inn ah amah lawngin chia a si i, a umnak inn in rian a ttuan tiah thawngthannak a tuah

White House nih a chim ning ah cun, mah bantuk in President Trump Advisor nih Coronavirus a ngei ruangah President le Vice President caah zeihman tih ding a um lo tiin a chim.

Source nih bloomberg sin ah a chim ning ah cun, mah bantuk in O’Brien nih Coronavirus a ngeinak ruang bik cu, rian in a ding lio caan teah, a chungkhar he an um hnuah a ngei mi a si tiah a chim

Bloomberg nih a langter ning ah cun, O’Brien hi President Trump office pawngah office angei mi a si ve i, Senior staff on the National Security Council hna cu ni fatin Coronavirus an ngei maw ngei lo tiah tested tuah peng an si tiah a chim

USA cu coronavirus ruangah thawngpang a chia chin lengmang ko i, tu hi minung 4.2 millions case an si cang i, a thi mi dihlak in 146,935 an si cang tiah Johns Hopkins University nih a langter. Credit- USA News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tuk ee!!. President Trump caah thawngchia lawngte si ko cang"

Leave a comment

Your email address will not be published.


*