A poi tuk ee!! Tu zan Hakha ah ralkap le palik pawl thil tuah mi cu!

Ralkap le Palik nih Hakha Khuami Hngilh Thiam Loin an Umter Hna. Myanmar ramchung hmun dang bantuk in nizan-tihni thawk in Hakha khuachung ah zaan ah palik le ralkap pawl an vah lengmang caah Hakha khuami pawl i hngilh thiam loin an um hna.

Hakha khuami nu pakhat nih, “Kan nih sang cu kan i hngilh kho bak lo. Sang dang zeidik an lawh hnga. Upa pawl kan nule kan pale hrim zaangfak tuk an si,” tiah a chim.

Nizan bantuk in tu zaan zong ah Hakha khuachung ah palik le ralkap an bu in an i chokvak i, Cawbuk lei le Pyidawtha Mucu sang lei ah an kal hna, tiah atu ca kan ttial tiang ah kan theih. Credit- The Chin Journal

Min Aung Hlaing nih Myanmar Lamzawhtu Hna Hmanmi Thilri Pawl cu Russia Ralbawi a Hmuhsak Len.

Nihin March 26 ah Russia ram runvennak vuanci Alexandar Fomin cu Naypyidaw ah a rak phan i, Myanmar lamzawhtu pawl nih i khamnak ah an hmanmi thilri pawl cu Min Aung Hlaing nih a hmuhsak len.

Myanmar ralkap nih uknak an lak hnu in Myanmar ah ramdang ralbawi a rak tlawng hmasatu bik cu Alexanser Fomin hi a si.

Thaizing March 27 ah tuah dingmi Myanmar ralkap nih ah i tel ding in Alexander Fomin hi an sawm caah nihin ah a rak phak hi a si.

Thaizing ralkap ni ah Myanmar tlangcungmi hriamtlai upa pawl le ramdang Embassy pawl zong an sawm hna nain kan kai kho lai lo, tiah acheukhat bu hna nih bialehnak an chuah cia cang. Credit- The Chin Journal

Be the first to comment on "A poi tuk ee!! Tu zan Hakha ah ralkap le palik pawl thil tuah mi cu!"

Leave a comment

Your email address will not be published.


*