A poi tuk ee!! USA ah minak pawl ruangah Coronavirus ceilak in a karh tthan hoi lai?

Tulio US Dirhmun le Covid-19… Mi hmuh khawh lomi ral nih US cu thla thum reng lo a den hnu ah minung112,469 an thi. Zawtnak a ngei balmi minung 2007,449 an si. A dam thanmi, 761,708 an si. A thimi an zor, a zawmi zong an zor. Asinain Alabama, South Carolina le Virginia hrawngah zawtnak thar an hmuhmi an um. Georgia state hi US ahcun a ong hmasa bikmi a si nain zawtnak a karh lem lo ti a si.Tulio cu Brazil le Russia ah a karh saling te a si. Tuhrawng Minak pawl lamzawhnak ruangah virus tam ngai kharh dawh a si an ti.

FDA le White house coronavirus task force hna nih an zumhnak ahcun tukum kum dih lai asilole kum thar ah Coronavirus khamhnak sii cu serchuah dingah zumhngamnak an ngei. Virus khamhnak sii a chuah taktak lawngah hlan lio kan sining kan phan than lai tiah zumh a si. Vaccine a chuah hlan lo cu social distancing, mask i huh, kuttawl le zulh phung tuahmi vialte zuh peng rih kan hau lai tinak a si.

Tuluk ram in a thawkmi coronavirus zawtnak cu Norwegian scientist minthang Birger Sorensen nih amah tein a chuakmi Virus si loin Tuluk nih Laboratory ah an ser chommi virus a si tiah a phuan. Mah thawngpang nih coronavirus nih a denmi ram pawl cu an thin a phawh chinchin hna. Tuluk cozah nih cun minung le minung i chonh kawhmi a si lo tiah an i peh, asinain Taiwan nih cun tuante in minung le minung an i chonh kawhmi a si ti a hngalh caah WHO ah report a pek asinain WHO nih Taiwan report tuahmi cu a hnon zau i, Tuluk report pekmi tu a cohlan.

Mah ruangah President Donald Trump nih WHO cu an tuan dingmi rian felfai tein an tuah lo caah thla khat chungah WHO cu thlennak, reform tuah dingah nawl a pek hna. Asinain WHO nih reform tuah an duh lo caah President Trump nih WHO in chuah dingah bia a chah. WHO cu vawleicung ram kip komh ngamdamnak bu an si i, US nih kum khat ah $ 450 million a bawmh. Asinain Tuluk cozah nih kum khat ah $ 40 million lawng a thawh. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A poi tuk ee!! USA ah minak pawl ruangah Coronavirus ceilak in a karh tthan hoi lai?"

Leave a comment

Your email address will not be published.


*