A sunglawi tuk hrinhrang ko!! Trump thawngin Khrifa pawl nih luatnak an hmuh cang

Tu lio cu Trump, Trump, Trump kong lawngte ka ttial caah, Trump doht le duhlo tu caah cun ka news ttial mi hi rel duh bak a si lai lo ti ka zum. Natein mah ka ttial mi hna hi keimah ruanak sawh sawh si lo in News a si caah Trump dohtu zong nih nan ka thei thiam lai

Mah Chinpage ah hin Nikhat ah US thawngpang 4/5 ka ttial peng caah, US thawngpang a thar mi poah na rel duh ah cun ka page hi Like le Follow vun tuah law, ni khat ah US thawngpang 4/5 cu na rek khawh peng lai tinak a si

Obama le Bush President an si lio ah an tuah khawh lo mi cu Trump nih tlamtlingtein a tuah kawh ti “Middle East Peace Agreement, UAE le Israel” kong ka vun ttial cang kha. Trump nih mah bantuk in Agreement a tuahnak ruang pakhat a si ve mi ka vun ttial lai

Kum 25 chung bak Arab History ah remna/dainak minthutnak voihkhat nak cu President Trump thawngin tlamtlingtein tuah/ser khawh a si cang. Mah bantuk President Trump nih Agreement UAE le Israel kar lakah remnak a ser caah November ni 3 Election a hin Trump caah advantage (thatnak) tampi a um lai tiah expert pawl nih an zum ning an chim

Mah bantuk in Middle East ah UAE (Arab) le Israel nih remnak/dainak lam an ser khaw cang caah Middle East ah khrifa tampi, zeirel lo, tuk le velh an rak si tawn mi cu Trump nih dawnter a duh caah mah bantuk in lam a kawl tiah mi thiam pawl nih cun an chim

US President Trump nih nili zan/Thursday night ah Israel le UAE deal hi khrifa pawl ka dirpinak le khrifa pawl caah ka rian ttuan ning langter nak a si tiah reporters sin ah a chim. “Middle East hmung dang dang ah Khrifa pawl nih harnak an tawn mi hi zoh sawh sawh khawh a si lo,

an caah a fak tuk hrinhrang, Khrifa pawl nih harnak le buainak an tawn mi tampi cu tehteh zong ka ngei dih. Mah bantuk harnak hi celh ding a si lo, tuar a har tuk mi a si, tuah khawh mi ka ngei ah cun Khrifa pawl caah zeipoah ka tuah lengmang lai tiah President Trump nih a chim

President Trump nih a chim chap mi cu, Israel le UAE dainak ka sernak kongah ah hin Khrifa pawl caah thil sunglawi tuk mi le tha tuk mi tampi a um i, Atu Israel le UAE remnak/dainak kan sernak kongah hin, Khrifa tampi zong an cawlcang ve.

Mah kongah hin UAE zong nih rian fakpi ttuan ding in an lungtling ve. Middle East ah hin Khrafa pawl hna hi zeirel lo in le hremnak an cunagh tampi tuah a si tawn caah Khrifa pawl hna himtein an um khawhnak ding caah a her mi poah ka tuah lengmang lai tiin President Trump nih a chim. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A sunglawi tuk hrinhrang ko!! Trump thawngin Khrifa pawl nih luatnak an hmuh cang"

Leave a comment

Your email address will not be published.


*