A tha tak tak, minak pawl nih mah bantuk in President Trump an huahnak ruang bik

USA ah um mi, Jonh Ram Thang Zathang nih a ttial mi a si, thil fiangte thei na duh ah cun rel hrim hrim ding. Minak pawl lungput fiangtein na thei cang ko lai hi. Zeitluk buainak a um zongah na dirpi duh bak ti lai lo.

Minak chungah President Trump a duh mi le duh lo mi tampi an um, Minak chungah hin 89% hi Democrat party an si. Republican ah a um mi cu tlawmte lawng an si. Mah bantuk in minak pawl nih Democrat lei ah thazang an pek nak ruang tampi a um i, mah chungah a biapi bik mi ka vun chim lai

Minak pawl luatnak a pektu hi Republican President Abraham lincoln, USA President 16 nak kha a si. Abraham lincoln hi Republican party in President a hmasabik a si. Abraham lincoln hlan ah minung 15 leng nih US President sinak an rak ttuan cang. Democrat chungah pakhat hman nih minak pawl cu sal in luahnak pek an duh bak lo. Mah President 15 vialte hi Democrat lawngte an si. Mah bantuk in sal luahnak a rak pektu Republican Party an doh i an soisel mi hi an tuanbia an phih cang caah si.

USA ram chungah hin minak tampi cu an sual tuk i, a caan ah cun palik pawl zong nih zohkhen har an ti ngai tawn hna. Minak chungah misual le rian ttuan huam lo mi, cozah sin in bawmhnak lawngte a kawl mi an tam tuk i, mah bantuk mi hna hi Republican pawl nih cun a rem lo tuk mi thil pakhat a si. Midang rian a ttuan mi nih tax an pek mi hna kha, rian ttuan huam lo mi bawmh lengmang kha an duh lo tuk mi a si. A hlei in tu President a ttuan lio mi Trump nih cun a duh bak lo. Rian kan ttuan lai i, ei ding kan hmuh lai ti bak lungput a ngei mi a si caah President Trump hi minak tampi, rian ttuan huam lo mi le lih le hrokhrawl in a um mi nih cun an duh/rem bak lo.

Cun zahan floyd ruan vuainak ah pastor Rev. William ‘Bill’ Lawson, Rev. Al Sharpton, Trump fakpi in a soiseltu hna hi nu le nu, pa le pa (LGBT) a support tu hna an si. President Trump nih nudawt padawt ti bantuk cu a cohlan bak lo caah le, nau hrawh ti bantuk a cohlan khoh bak lo caah Pathian rian ka tuan a ti mi, nudawk pa dawk, nauhrawh ti a dirkam tu pawl nih cun an duh lo/doh ngai mi a si.

Tu Minak pawl, Trump thazang a pek ngai mi pawl hna hi cu zumtu tha, rian fakpi in a ttuan mi le, nudawk, pawdawk, nauhrawh ti bantuk a cohlan lo mi an si. Cucaah minak pawl nih mah bantuk in Democrat thazang an pek i Trump an dohnak ruang bik cu, Democrat lei nih President an ngah ah cun zalawng tein rian ttuan lo in cozah sin in bawmhnak an hmuh lai i, cun nu le nu, pa le pa (LGBT) nauhrawh ti bantuk kha cohlan a si lai caah fakpi in Trump hi an doh mi a si. Credit- John Ramthang Zathang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor