A thi mi an um cang caah Khualipi ah um mi Chinmi lamzawh ti hla u tiin a tial bak ko

Laimi mah bantuk lungput hi kan cohlan lai maw? Kawl mi nih an kan thei maw thei lo kha a biapi bik mi a si lo. Kan ram caah nunnak tian pek ngam mi lungput hi mino sin ah kan her cang ti lio ah, mah bantuk in Chinpa nih facebook ah a til mi cu a poi tak tak

A tial ning a cun, a min hi langte ka duh lo. Aruang cu mah bantuk boruak sensitive tuk mi kongah amah ca zong ah thil tha a si lai lo caah

A tial ning tein ka vun tial than lai. ဆလိုင္း လူဆိုး nih a tial ning tein “Kawl ram Mandalay Rangoon Nepidaw um mi lai mi Ngol hram u ,thih nak in dam nak a bia Pi ko Lo maw!

Kawl caah nun nak tiang in Tuan ta mi Col Hrang Thio, Tin mawng Oo leh Adang dang Te hna kha a Liam ih a Dinh si ko nang leh kei lung thin ah tidah Lo cun kawl nih cun Zan khat Te hmanh Mang ah Tal an man duh Lo si kha’! tiin a tial

Mi tampi nih na ca tial mi hi thil dik a si lo, mah bantuk lungput hi lungput tha mi a si lo, Kan ram a si caah mino, ram caah nunnak a pek ngam mi tiang kan her. Mah bantuk ralchia hi Chinmi lakah kan um ding a si lo tiin reply an tuah.

Nangte, zeitindah na hmuh ning a si. Mah bantuk kan ram nih a kan her lio ah, um saw saw ngam ding kan si maw. Myanmar hi kawl mi ta lawng si tung lo

Chinmi ta zong pei a si cu. Cucaah tu mah bantuk caan ah heh tiah ralkap duh lonak kan langter mi hi kan Chinram caah a si ti kha kan philh ding a si lo ti hi Chinpage editor lungput a si

Be the first to comment on "A thi mi an um cang caah Khualipi ah um mi Chinmi lamzawh ti hla u tiin a tial bak ko"

Leave a comment

Your email address will not be published.


*