A thih mi ruak kongah ralkap le a thih mi chungkhar an buai ngai

Shan state Lashio ah palik le ralkap nih meithal in an kah i a thih mi hna cu an chungkhar le nih an ruak lak ding in palik le ralkap pawl sin ah an va kal.

Natein ralkap le palik lei nih an chungkhar pawl sin ah biakamnak nan tuah hmasa lai tiah biakamnak tuah ding in an tlerh hna.

Ralkap le palik lei nih an ti mi cu, mah a thih mi hna hi ralkap le palik kutah a thih mi an si lo ti min thutnak nan tuah hmasak lai tia an ti hna.

Mah bantuk in min thutnak nan tuah hmasak lo ahcun ruak kan nih pek lai lo tiah an ti. Sunday/zarhpi ni ah minung 114 leng an thi, cun nikhat ni/Monday ah minung 60 leng an thi,

Tu nih zong a thi mi an tam lai tiah zum a si. Mah bantuk in meithal in an kah I an thah mi hna ruak hmuh lo mi tampi a um tiah thei a si.

Ralkap lei nih an chin than ning ahcun mah bantuk in lamzawhnak a tuah tu hna hi midang nih an forh hna ruangah a tuah mi an tam ngai tiah an chim

Ralkap pawl an sual chin lengmang caah KNU le KNLA zong ralkap doh ding in heh tiah rian an tuan lio a si. AA ralkap zawng nih mipi himnak caah rian kan tuan ve cang lai tiah thawngthanhnak an tuah ve cang. Credit-Tahan Group

Karen (ကရင်) ralzam pawl cu Thailand nih a dawi than hna. Thailand ram lei nunhim nak kawl ruangah a zam mi karen mipi hna cu nan ram lei a va kir than cang u tiah Thailand nih a ti hna tiin thawng la tu pakhat nih a chim

A luancia mi march ni27 ah khan KNU /KNLA ralkap an ram lei cu Kawl ralkap pawl nih bom in an kap hna caah Karen mipi thawng leng cu Thailand ram lei an zam hna.

March ni29 ah kawl ralkap le Karen ralkap ( KNU ) karlak ah i kap nak a um tilo an ti hna i karen mipi tam taktak cu Thailand nih nan ram lei kir than cang tiah a thawl hna. Credit-VOA

Be the first to comment on "A thih mi ruak kongah ralkap le a thih mi chungkhar an buai ngai"

Leave a comment

Your email address will not be published.


*