A tuah tak tak cang; China caah hnunglei nam in chunh bantuk si cang

China mangchia, China cungah mah bantuk hi cu a tuah ngam lai lo an ti mi cu a tuah tak tak cang. China cu ramdang tampi nih an doh thluamah cang. Western allies pawl nih mah bantuk in thil an tuah lengmang cang caah China caah cung mangchia tak tak si cang ko

China nih Hong Kong cungah a duh ning bantuk in National Security law a passed. China nih Hong Kong mipi zalawngtein an um khawhnak ding caah a si tiah amah thiam cohnak ding caah a chim.

Natein vawlei cungn ramkip nih China thil tuah mi cu fiangtein an thei caah tu cu a cungah a duh lo bik mi thil an tuah thluamah ve cang

Prime Minister Scott Morrison’s nih cun Hongkongers Democracy a duh mi poah caah lam a awn piak cang hna tiah a phuan. Hong Kong in Australian ram ah pem duhmi 10,000 caah Australia ah zungzal umkhawnak lam a ser piak cang

10,000 Hong Kong passport holders, pawl an Visa a dawng hlan ah an duh ah cun zungzal in Australia ah um an duh acun umkhawnak cozah sin ah an hal lai i, Cozah nih zungzal in Australia ah um khawhnak a ser piak hna lai

Acting Immigration Minister Alan Tudge -“Hong Kong passport holders pawl cu hmung dang ah an kal duh kho men, natein Australia nih duh thimnak lam kan ser piak hna tiin a chim. China’s Foreign Ministry ni a chim ning ah cun Australia cungah dantatnak fakpi kalpi lai tiah achim. credit- The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor