A voihnihnak caah China cu Coronavirus tih nun deuh mi ceilak in a denh than; China nih ramdang a mawhchiat ve cang

Vawlei thawngpang a chia chin lengmang cang ko ee!! China cu ceilak in a voihnihnak ding caah Coroanvirus nih a denh tthan. China a thinhun tuk i ramdang a mawhchiat ve cang. China nih coronavirus ruangah Beijing ah hmun tampi cu lockdown an tuah cang. European ram in an cawk mi salmon nga pack an lak tawnnak hmun in mah coronavirus voihnihnak hi a chuak tiin an chim

Activist Jennifer Zeng nih cun video footage ah a langter ning ah cun hotel 7 hrawng an khar lio, quarantine sites caah an tawrel lio a vun langter. China nih hin mah bantuk in European nga Salmon pack in Coronavirus rai zawtnak a chuak tthan tiah an chim mi hi zeihman tete langter ding mi an ngei lo. Xinfadi wholesale market in Nithum ni (Tuesday) ah minung 27 nih coronavirus zawtnak an ngei tthan, tu hi 150 leng nih mah zawtnak hi an ngei cang

Europe nga Salmon pack in coronavirus an hmuh ti hi  Xinfadi market boss nih, zarte ni (Saturday) ah reporter pakhat sin ah a chim, i mah bantuk in a chimnak ruangh bik cu researcher pawl nih an hmuh tiah a theih ve caah a si

China nih economy recovery ding in fakpi in rian an ttuan than lio si, natein an zum ning bantuk in thil a si khoh ti lo, New Zealand ram ah Coronavirus kan tei cang, kan ram chungah coronavirus a um ti lio tiah thawngthannak an tuah hnuah unau a si mi pahnih nih UK in an ram chungah an put tthan

WHO emergencies director Mike Ryan nih China, Coronavirus cluster thar hi a kong fakpi in hlethlainak tuah ding tia a chim. Natein January mi tu tiang WHO nih hlethlainak a tuah khoh lo, WHO cu ka lawng in bia a chim sawh mi an si cang, An bia chim mi hi a zum mi an um ti lo

Chinese expert, Professor Yang Zhanqiu from the University of Wuhan nih cun, Beijing virus thar Virus strains hi January ah Wuhan mi nak in tih nun deuh tiin a chim, China state media The Global Times ah “coronavirus stains Beijing’s Xinfadi market ah an hmuh thar mi hi Wuhan’s Huanan market mi nakin tih nun deuh”. ti a si. Source- TheGlobaltimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "A voihnihnak caah China cu Coronavirus tih nun deuh mi ceilak in a denh than; China nih ramdang a mawhchiat ve cang"

Leave a comment

Your email address will not be published.


*