AA uar an um tak tak, KIA/KIO bawmh ding in Alawbum an phan cang

Alawbum Liza hmun cu lak than ding in voih 3 an kal, natein an sungh peng caah MAH nih tih nung tuk mi hriamnam a hmang cang. Nihin ah kawl ralkap nih KIA/KIO tuknak ding caah hriamnam a hmang mi cu tih nung tuk cang.

Tih nung chin lengmang ko. Zahan ah China pilot hmangin Jet fighter pahnih in KIA pawl an tuk hnuah kawl ralkap an sungh peng caah Nihin cu tih nung tuk mi hriamnam dang an hmang than tiah thei a si

April 13 zing 4:30 thawk in Alaw bum Liza hmun ah ralkap camp lak than ding in Kawl ralkap nih KIA/KIO cu bomb hmangin an va tuk than tiah thei a si. Mah camp hi lak than an duh caah Kawl ralkap nih tih nung tuk mi hriamnam M29 SU 30 an hmang tiah  Kachin Military chief nih a langter

M29 le 30 hi Russia serh mi a si. Tanglei ah ral tuknak ding caah an hmang bik mi a si. Mah M29 le 30 hi Russia nih a duh tuk mi, tanglei ah ral pawl tuknak ding caah arak hmang peng mi, India zong nih tampi a ngei mi, ral caah tih nung tuk mi a si tiah thei a si

Mah  Alaw bum Liza road ah AA, ralkap hna cu, KIA/KIO camp a rangnak in an kal i, KIA/KIO bawmh ding in ma hnun ah an va lut tiin thei a si. Mah hmun ah hin atu kawl ralkap minung 1000 hrawng an um peng tiah thei a si.

Alaw Bawm le Liza raod ah tampi an um tiah thei a si. Kachin ram Civil War cu Alaw Bum hmun in a thawk lai tiah zum a si cang. Atu dirhmun ah cun a thi mi cazing thei a si rih lo. Credit-RTK

Chinram chungah thawngtha- Chinram ah cozah rianttuan minung 13,300 (92%) nih CDM cawlcangh nak in Kawl ralhrang phu cu an doh hna caah kawl ralhrang pawl an kengruh an khiah cikcek.

Voidang ah cozah nih tax a lak tawn mi electric mei man lanwg hmanh in Hakha khuachung ah thlakhat ah phaisa ting thongkhat an rak hmuh tawn.

Atu cu CDM ral a do mi le mipi nih SAC ralhrang sin ah zeihmanh tax an pek duh ti hna lo caah cozah income an nei ti lo. Mah cu tax tampi lak ah Electric bill pakhat te lawng kan vun chimmi asi. Lungrual te in le lungsau te in kan ttang lai.

Kan ti khawh nak lam cio in SAC ralhrang kan doh peng hna lai. Pathian thawng in Mipi nih teinak kan co lai. Saduh kan thah lengmang mi Federal Democracy ram kan ser lai. Credit: Salai Bawi Lian Mang

Be the first to comment on "AA uar an um tak tak, KIA/KIO bawmh ding in Alawbum an phan cang"

Leave a comment

Your email address will not be published.


*