Amen, Amen, mah bantuk thawngpang vun thei cu Amen lo in um kho a si lo

Vawlei cung ramkip inn ah kan nih erh tuk ruangah kan lungput zong a hman ti lo lio ah mah bantuk thawngpang tha vun thei cu a lawmlo mi an um lai ti zum a si lo. Tu lio ah thawngpang a lar ngai mi le thei nuam ngai mi Remdesiver kong cu a fiang cang. Damlo vialte damnak caah Pathian nih thlauchuah chin lengmang ko hram seh

President Donald Trump nih Experimental Drug Ramdesiver cu coronavirus damlo pawl caah hmang ding in FDA nih a pawm cang ti a chim. Remdesivir hi President Trump zong nih a pawm cang ti a chim chap.

Mah bantuk in President Trump nih theipinak/cohlannak a tuah lio ah Vice President Mike Pence, Daniel O’Day, CEO of Gillead Sciences Inc., Stephen Hahn, commissioner of the U.S. Food and Drug Administration, & Dr. Deborah Birx, White House coronavirus response coordinator, zong an nih tel ve

Thawngtha tuk mi pakhat cu Gilead’s Chief Executive Officer Daniel O’Day nih cun mah Ramdesiver 1.5 million doses : tu ka chim duh mi cu Gilead Science le President he ttuanti in kan cungah USA mipi an dam khawhnak ding caah ttuanto tampi a um cang i, fakpi in rian kan ttuan lai. Mah damlo pawl zohkhennak ding caah kan cungah ttuanvo a um cang caah USA mipi caah 1.5 million vials of remdesivir bawmhnak kan pek lai tiah a chim.

USA mipi nih an her ning bantuk in fakpi in rian kan ttuan chin chin lai, FEMa le Partner dang he mah sii a her mi paoh nih an hmang khawhnak ding caah kan nih zuam chin chin lengmang lai tiah a chim.

Journal of Virus Eradication nih a langter ning ah cun Remdesivir 10 dose hi $9 man a ni. Gilead mo “1.5 million dose stockpile of remdesivir for research” caah bawmhnak a rak pek cang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Amen, Amen, mah bantuk thawngpang vun thei cu Amen lo in um kho a si lo"

Leave a comment

Your email address will not be published.


*