America Palik buu ngan bik nih Trump an vun dirpi (Endorses) cang; An bia chim mi cu Joe Biden caah mangchia tak tak si

US Presidential race nih vawlei a hninh bak ko, Trump le Joe Biden cu ceilak in an nih phomh thluamah, Trump cu amah dirpitu (Endorses) an tam chin lengmang cang, a hlei in US mipi le ram caah rian ttuan tu pawl (law enforcement) nih President si tthan ding in an duhnak an vun langter thluamah cang

Mah Chinpage ah, ni fatin US thawngpang 4/5 ka ttial peng caah, US thawngpang ni fatin 4/5 rel na duh a cun Chinpage hi like/follow vun tuah ve law, ni fatin US thawngpang 4/5 na rel khawh peng lai tinak a si

US ram chungah  a nganbik mi si ding in Palik pawl (Union) nih ninga ni/Friday ah President Trump cu kum 2020 ah President si tthan ding in kan duh tiah, an duhning an vun langter. Mah bantuk in palik/uniforms a hrut mi pawl nih endorsement an vun tuah mi hi Trump caah cun thawngpang tha tak tak a si.

A hlan ah palik buu pahnih nih endorsement an vun tuah cang i, cun ralkap pawl, pension a la cang mi nih an vun tuah tthan i, cun a tu hi Palik pawl (Union) US ah a ngan bik mi nih Trump cu US President term hnihnak si tthan ding in an vun dirpi tthan

Mah bantuk in Trump President si tthan ding in kan duh tia a ti mi palik pawl hna hi minung 355,000 leng an si. Mah bantuk in Trump cu kum 2020 President thimnak ah President caah an duhnak an vun langter mi an ttial mi cu

President Trump nih upadi lei ah rian ttuantu pawl (law enforcement) hna cu a a rian ttuan chungah fakpi in a dirpi hna, cun palik pawl nih harnak an tawn mi vialte a thei pi hna i fakpi in palik pawl caah rian a ttuan peng.

Yoes nih a chim tthan mi cu, mah bantuk in FOP nih Trump kan vun dirpi mi ruang cu, US ram chungah zalawng tein, tihnak le launak um lo tein rian a ttuantu a dirpi peng caah, le thatho ngai in palik pawl hna a dirpi peng mi a si caah tiah a chim chap

Kum 2016 ah khan mah palik union pawl nih Hillary Clinton sin ah bia halnak an rak ngei cang, natein Hillary nih zei a rel piak hna lo caah Trump tu kha an vun dirpi than mi a si.

Mah palik pawl nih hin kum 2000 le 2004 ah George W. Bush cu endorsement an tuah cang i, cun kum 2012 ah Sen Jonh McCain kha endorsement an rak tuah cang. Kum 1996 ah Bill Clinton an rak tuah cang i cun kum 1992 ah George H.W Bush kha Endorsement an rak tuah  ve cang

Kum 2020 hi Trump caah thawngpang tha ngai mi  hna cu, US ram himnak caah rian ttuantu pawl. palik, ralkap hna nih an dirpi ngai i, fakpi in thazang an pek. Mah bantuk in law enforcement (upadi in rian ttuantu/palik pawl) nih President a cu ding mi endorsement an tuah mi hi an tam lo. Credit-Breitbert

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "America Palik buu ngan bik nih Trump an vun dirpi (Endorses) cang; An bia chim mi cu Joe Biden caah mangchia tak tak si"

Leave a comment

Your email address will not be published.


*