An buai tak tak cang; Trump (USA) le Israel nih buainak faktuk mi an ton cang

Tu lio vawlei thawngpang cu hna angam kho bak ti lo, zumtu caah cun tim cia tein um caan a si cang. Mah bantuk thawngpang hi Jesuh nih a rah hlan ah thil a cang ding mi pawl a rak chim cia mi kha asi, mah bantuk thawngpang nih hin Jesuh cu a ra dengmang cang ti kha fiangtein alangter.

China le India cu ituk dingin ralring tein an um cang. South China seas ah, USA nih China tuk dingin ralring tein a um cang, China le India, China le US, China le Taiwan, China le Japan, China le Indonesia, China le philipine, China le singapore, India le Pakistan, India le Nepal, buainak lawngte si cang. Coronavirus ruangah vawlei cung ramkip nih China cu an huat tuk cang fawn

Kum 2020, kum hramthawk ah President Trump nih Middle East Peace Plan a tuah mi kha, Israel mipi caah thawngtha, natein Palestinian mipi caah mitthli tlaknak a si. July 1 thawk in West bank & Jordan valley annexation hi Benjamin Netanyahu cozah nih kalpi a tim cang. Palestinian nih fakpi in an duh loning an langter thluamah cang. Mah ruangah UN security Council meeting cu a rang khawh in tuah a si. UN secretary-general nih cun annexation hi kalpi a si ah cun two state solutions caah le Israel Palestinian remnak caah fakpi in buainak a chuah lai tiah a chim. Guterres’s nih Israel sin ah mah bantuk in annexation plan nan tuah mi hi ngawl hram ko u tiin zaangfah a nawl hna

Arab League chief Ahmed Aboul Gheit ” Kum 30 chung, daihnak a um khawhnak caah buainak fakpi a um. Independent Palestinian state a um khawhnak ding caah fakpi in lam kawl a si. Palestinian mood & scene vialte hrawh hi keini nih cung kan duh bak lo mi thil a si tiin a chim” .

Palestinian leaders pawl nih future state caah lam tampi an kawl.  Prime Minister Benjamin Netanyahu’s right-wing government nih July ni 1 thawk in West bank le JORDAN valley ah nawlngeinak an nih tim ning fiangtein an langter cang fawn. Israel nih 1967 war lio ah an rak lak cang mi, Bible ningtein zoh ah cun Isreal ram a rak si cang mi, mah bantuk in Isreal ram chung bantuk ah ser tthan an nih timnak kongah hin European Union le Arab pawl a buaiter tak tak cang

US President Donald Trump cu November 3 ah US President caah a cu thang hoi lai. Israel mipi caah Donald Trump hi Modern Messiah bantuk a si fawn. November election ah mah Israel annexation nih hin President Trump tampi a hrawh kho fawn. President Trump nih voters lungthin tampi a tei a hau fawn. Tu dirhmun zoh ah cun Joe Biden nak in poll ah a niam deuh fawn. Mah bantuk lio ah boruak thalo Black Lives Matter nih America ram chungah buainak fakpi a chuapi lio a si fawn.

President Trump nih Israel cu 100% bak in a dirpi fawn. Vote kawl a hau fawn. America ram chunga mirum, Isreal a si mi, Trump Trump campaign ah fund millions leng a hlut ding mi an tam fawn, an mah pawl lungtlinternak ding kawl a her fawn. Trump fanu pasal Gold an ti bak ve mi Middle East Peace Plan architecture hi Israel mi a si fawn. Middle East Idohnak a chuak khawh dirhmun ah a um lio a fi fawn. International pressure hi Israel/ Trump nih zeitin dah an kalpi lai, an kalpi sual cik cek ah cun idohnak a chuak ding mi dirhmun tian a si faw. Tu lio cu buainak lawngte si ko hi. Credit-The Guardians, Fox News

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "An buai tak tak cang; Trump (USA) le Israel nih buainak faktuk mi an ton cang"

Leave a comment

Your email address will not be published.


*