Anna Suihlei Sung; “Pathian cu pakhat lawnglawng a si. O.T Pa Pathian kha N.T Jesuh khrih kha a si ko”. A fiang tak tak, rel law al ding na ngei lai lo

Jesuh khrih pa Pathian cu pakhat an sinak le Jesuh khrih pathian sinak a ngeihnak hna. Oneness Pathian le trinity Pathian hi aa dang lo I,Pum dang zong an si lo I,bible cauk dang zong an si lo,a chimtu le tialtu thluak in an danter Mi an si. Pathian cu pakhat lawnglawng a si pathian le mining karah remnak sertu mining Jesuh khrih kha a si.cu Hlei Pathian dang um ti lo. I. Jesuh nih Ka pa le keimah cu pakhat kan si a ti.Jesuh nih Filip kha Keimah a Ka hmuhmi cu Ka pa hmuh a si KO a ti bantuk in Jesuh hmuh kha pa pathian hmuh cu a si ko Jesuh biak cu pathian Biak a si KO.
Johan 10:30 Ka Pa le keimah cu pakhat kan si,” tiah a ti. Jahan 14:5 Thomas nih khan a thawh i, “Bawipa, khuazei i na kal lai kha kan hngalh ttung lo, zeitindah cuka phaknak lam cu kan hngalh khawh lai?” tiah a ti.

6 Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo. 7 Atu cu nan ka hngalh cang caah ka Pa zong kha nan hngalh lai; atu thawk hin nannih nih amah cu nan hngalh cang; nan hmuh cang,” tiah a ti hna. 8 Filip nih khan, “Bawipa, na Pa cu kan hmuhsak law cu vial cu kan herhmi a si ko,” tiah a ti. 9 Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti? 10 Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ttung lo, ka chung i a ummi ka Pa riantuannak pei an si cu. 11 Ka Pa chungah ka um i ka Pa cu ka chungah a um kha zum ko u. Matthai 11:27 Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

1John 6′:1-7) A rami cu Jesuh Khrih hi a si, tipil a innak ti le a thihnak thi he a rami a si. Ti he lawng a ra lo, ti he thi he a ra. Cun cucu biatak a si ti kha Thlarau hrimhrim nih tehte a khaan, zeicahtiah biatak cu Thlarau kha a si. 7 Tehte a khaangtu pathum an um: 8 cu hna cu Thlarau le ti le thi kha an si i an pathum tein an bia aa khat.

II Van le vawlei ah pathian le Bawipa tampi an um ko lai nain, Pa pathian timi Pathian le Bawipa timi Jesuh khrih Cu pakhat lawnglawng : 1corin8:5
Vancung ah siseh vawleicung ah siseh pathian timi cu a um zong an um ko lai, cun pathian timi hna hi le bawipa timi hna hi tampi zong an si ko lai, 6 sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

Pathian timi kan pa zeizong te sertu pa thian a si I,pathian Cu pakhat lawnglawng a ti cun Bawipa Cu pakhat lawnglawng a ti fawn cucu Jesuh khrih kha a si ko,Pa pathian kha pathian tiin a human Jesuh khrih kha Bawipa tiah a hmaan.(Exodus 34:5-7) 5 Bawipa cu khuadawm in a rung ttum i a sinah cun a rung dir i ka min cu Bawipa a si, tiah a ti. Moses a chonhtu kha pa pathiana si a chonh lio ah khuadawm in a rung ttum I a rung Dir I Ka min Cu Bawipa a si a ti fawn KO caah Bawipa Cu pakhat lawnglawng a si cucu Jesuh khrih kha a si tiah amah thawng cun zeizong vialte kha ser an si i amah thawng cun kannih zong hi kan nung.

Bible Biakam tharah pa pathian nih Ka min Cu Bawipa a si tiah a ti I Biakam tharah 1corin 8:5 chungah Bawipa Cu pakhat lawnglawng a si Jesuh khrih kha a si KO.O.T ah Pa pathian in a langh I N.t ah Jesuh in a langh KO cucu pa pathian le jesuh khrih cu pakhat an si bible tehte alanghternak a si KO.

III. Vancung le vawlei le vawlei tang ummi vialte nih Jesuh min Cu an upat lai I khuk bil lai pa pathian sunpernak caah lei vialte nih Jesuh Cu Bawipa man ti lai: Jesuh Cu Bawipa a ti duhlo tu pawl Cu pa pathian sin zongah an phan kho lai lo.Jesuh khrih Cu tling khihkhet tein pathian sinak a ngei KO nain hramhram in Pathian tluk si awk kha cuh awkah a rel lo.zeicahtiah Jesuh khrih Cu Pathian sinak in a rat lo caah mining sinak tu kha aa lak deuh.mining in a ratnak Cu vailam thisen velngeihnak lawnglawng nih misual khamh khawhnak caah a si. Jesuh khrih Cu mining sinak in a rat hramhram in Pathian tluk si awk kha cuh awkah a rel lo.sal sinak tu kha aa lak;cucu vawlei a rathnawh Chan a si.

Filipi 2:6 Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo. 7 Amah lungtho te tu in cu vialte cu a hlawt dih i sal sinak tu kha aa lak; Minung bantuk ah a cang i minung mui in a lang;8 Mi toiah aa dor i nawlngaihnak lam kha thih tiangin a zulh—vailam cung thihnak kha. 9 Hi ruangah hin cunglei a sannak bik hmun ah khin Pathian nih a cawi i min vialte lak i min cungnung bik kha a pek;10 Cucaah Jesuh min upatnak caah cun vancung i a ummi vialte nih si hna seh,vawlei i a ummi vialte nih si hna seh,vawlei tang i a ummi vialte nih si hna seh, an khuk an i bil lai i 11 Pathian kan Pa sunparnak caah cun lei vialte nih Jesuh cu Bawipa a si, an ti lai.

Biathlam 3: 12 Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka tial lai i ka Pathian khualipi, a min Jerusalem thar a simi zong kha a cungah cun ka tial lai. Cu khualipi cu ka Pathian sinin vancung khin a rung tum lai. Cun a cungah cun ka min thar zong ka tial fawn lai.

Kolose 1:Khrih le A Riantuannak
15 Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si. 16 Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser hna i Khrih caah cun a ser hna. 19 Fapa nih Pathian sinak tlamtling tein a chungah a ngeih cu Pathian biakhiahnak thawngin a si.

IV. Pathian Cu pakhat lawnglawng a si Pathian mining karah remnak sertu mining khrih Jesuh kha a si: Pathian Cu pakhat lawnglawng a si Pathian nih a thlah mi fapa mining in a ratmi jesuh khrih lawnglawng hi a si KO.Jesuh khrih mining le pathian karah remnak sertu pa pakhat lawnglawng hi a si KO ,pathian dang an um to lo. 1Timote 2:3-5) 3-4 Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si. 5 Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

V. Bible ah fiang tein kan hmuh Thiang thlarau nih a hruaihmi hna lawng hi Jesuh Cu Bawipa an to KO high,Thing thlarau nih a hruailo minih cun Jesuh cu Bawipa an to kho lo: Jesuh hi Bawipa a si tiah na ti kho lo ahcun thiang thlarau na co rih lo I,thing thlarau hruaihnak na nun nih a herh ti kha fiang tein na hngalh awk a si. 1korin 12:3 3 Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

VI. Pathian Cu hmuhkhawh a si lo nain pa pathian le Jesuh khrih in Pathian sinak fiang twin a langh ko : Pathian Cu Pathian he Jesuh khrih he pathian sinak fiang twin a langh ko cang I na zumhduh le zumh duh lo lawng a si Ko. Rom 1:20 an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a tthawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo! 21 Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.Hebrew 1:2-3) Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si. 3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

VII. Pathian zumh Timi Cu Jesuh kha Bawipa a si tiah kan kaa hrimhrim in chim I ,amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai: Jesuh Cu Bawipa a si tiah na kaa nih a chim hlan lo Cu na zumh lo a si KO.Bawipa min a auhmi poah Cu khamh an si lai,Cu Bawipa Cu Jesuh kha a si. ROM 10:9-17

8 Zumhnak thawngin Pathian he i remnak kong ah chimmi cu hiti tu hin a si. “Pathian bia cu nan pawngte ah a um ko, nan lei cung le nan lung chungah a um ko,” — hi bia hi zumhnak bia a si kan timi bia cu a si. 9 Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. 10 Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si. 11 Cathiang nih, “Amah a zummi paoh cu ningzahnak an ing lai lo,” tiah a ti. 12 A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna. 13 Cathiang nih, “Bawipa min a aumi paoh cu khamh an si lai,” a ti bangin a si taktak ko.

14 Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai? 15 Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngtha a chimtu hna ke cu a vaa dawh dah,” a ti bantuk khan a si taktak. 16 Sihmanhsehlaw annih nih an dihlak cun Thawngtha cu an pom lo. Isaiah hrimhrim nih khan, “Bawipa, ahodah kan bia cu a zum?” a rak ti. 17 Cucaah zumhnak cu bia theihnak thawng khan a um i bia cu Khrih kong chimnak thawng khan a um.

Kolose 2:6-19 Khrih Chung Nunnak Tlamtling 6 Khrih Jesuh cu nan Bawipa ah nan i lak cang caah, amah he i pehtlai in nung u. 7 Amah chungah hram thukpi in thla u law amah cungah nan nuncan cu inn bantukin sa u law an rak in cawnpiak hna bang khan nan zumhnak ah thawng chin lengmang ko u. Cun lunglawmhnak in khat u.

8 Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh. 9 Zeicahtiah Pathian sining cu tling khitkhet tein Khrih a minung sinak ah khan a um i 10 amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si. Pathian cu pakhat lawnglawng a si.O.T pa pathian kha N.T Jesuh khrih kha a si ko ,Biakam hlun I moses khuadawm in a chonh tu Bawipa kha Biakam thar ah Bawipa cu Jesuh tiah a kaa hrimhrim in a chimmi caah khan kham an si I,thiang thlarau a co lomi khrihfa zumtu poah nih Jesuh cu Bawipa an ti kho lo I,Jesuh cu Bawipa a si a Timi poah kha thing thlarau co Mi nan si bible ah fiang tein kan hmuh.Pathian cu pakhat lawnglawng a si pathian le mining karah remnak sertu mining Jesuh kha a si.
Nanmah le nanmah tein I check KO Jesuh kha Bawipa a si n ti kho rih locum thing thlarau na Co lo caah a si.thing thlarau na co le co lo the I na duh ahcun Jesuh cu Bawipa a si na ti kho le ti kho khan I zohthan KO.nanmah caah midang ca’h si loin I check KO.

Be the first to comment on "Anna Suihlei Sung; “Pathian cu pakhat lawnglawng a si. O.T Pa Pathian kha N.T Jesuh khrih kha a si ko”. A fiang tak tak, rel law al ding na ngei lai lo"

Leave a comment

Your email address will not be published.


*