ASEAN Tonpumhnak ah Ruachan Awk Zei Hman a Um Ti Lo Ruahchan Awk Cu Ramchung Khuapi Tampi ah Lamzawhnak Kan Thawk than a Hau

Myanmar Ramchung Khuapi Tampi ah Lamzawhnak an Thawk Than. ASEAN ramhruaitu hna tonpumhnak an tuah dih hnu a ni khatnak April 25 ah Myanmar

ramchung khuapi tampi ah lam cung chuah in ralkap uknak duhlo lamzawhnak aa thawk tthan.

Abikin, Yangon, Mandalay, Sagaing, Monywa, Kachin, Kayin, Mon, Kaya le Pagan tibantuk hmunhma pawl ah mino tampi an chuak i lamzawhnak an tuahmi hmuh khawh a si.Credit-TCJ

Vawlei cung ram 195 tluk a um mi ah Kawlram(Myanmar) tluk uknak chia hi an um ve hnga maw, an um zongah an tlawm lai mu ti hi ka hei ruat tawn. Caan tampi ah khua sual ka ruah ah hin, Kawlram mi ka si hi mi vanchia bik ah kaa ruah ttheu.

Kawlram hi hramhram uknak voihnih an rak lak cang ti cu kum 30 hrawnghrang minung nih a tuanbia in kan theihnak lawng a si nain a voithumnak cu kan chan he aa tong. Tuanbia men in kan rak theihmi nawlngeihnak lak hi kan tong rih lai ti hi

lungkil thlite zongin ka ruat ti lo. Kan ram a hung i thlen pah cang i Zauk phung ah kan kal cuahmah ko cang ti hi kei zei thei lo pa nih ka hei ruah tawn ko. Nain kan ruahlo piin kan huat bik uknak hramhram uknak lak a si tikah minung 600 tluk nunnak a liam pinah hmailei suttung bang zohthla ding nu ttang cung pommi hna 40 leng thah an si.

Be the first to comment on "ASEAN Tonpumhnak ah Ruachan Awk Zei Hman a Um Ti Lo Ruahchan Awk Cu Ramchung Khuapi Tampi ah Lamzawhnak Kan Thawk than a Hau"

Leave a comment

Your email address will not be published.


*