Atu Ni, Biden Team le Trump Team White House ah an thil tawn mi cu a linsa bak ko

Vawlei cung ramkip Media tam deuh nih Joe Biden nih Trump a tei ning lawngte an tial, natein mah Chinpage hi cu, Trump Legal Team pawl nih Election kong an buai pi ning ah zeibantuk dirhmun an phan ti le 2020 Election kongah lih le hlennak a um ning kong lei tu hi kan tial tam/focus deuh mi a si.

Kan thei cia bantuk in General Service Administration nih Joe Biden Transition Team hna cu Green Signal a rak pek cang kha. Natein Joe Biden Team pawl an zum ning bantuk in a si nemmang lo.

Mark Meadows, White House Chief Staff nih White House Staff hna cu Joe Biden Team pawl hna cu rak chawn duh tu hla u tiah a ti ruangah White House rian tuantu pawl nih JOe Biden Transition Team pawl hna cu thatein an rak chawn duh hna lo

Mah bantuk in GSA nih Biden Team pawl green Signal a pek hnuah Trump nih GSA thil tuah ning cu a soisel i, mah bantuk in case a kal lio mi kongah thil an tuah mi cu an tuah ding mi a si lo. GSA nih president hi a ho dah a si lai ti kongah zeihman chim khohnak a ngei lo tiin social media ah phomh hna

Cun Trump nih US history ah Lih le hlennak hmang in thil a tuah tu Democrat pawl an si. Thil sining vialte kan langter dih lai tiin social media a chim than hoi

Tu ni White House ah til a tlung mi zoh i, thil sining fiangtein thei kho a si mi cu, President Donald Trump’s team pawl nih Joe Biden cu US President caah thim a si cang tiah kau pi in Trump Transition Team pawl rak dawng ding in zeihman theiternak an hmuh rih lo ti a fiang ngai

Bloomberg nih memo a ngei mi, alangter ning a cun, White House chief of staff nih Biden transition team /federal transition coordinator pawl lakah Trump Team pawl cu thatein welcome lo ding in bia a ca hna ti a lang.

Natein Meadows nih memo ah Transfer of power a um khonak ding caah thil zeipoah tha tein tuah a si lai a ti, “Trump administration nih kan rian ttuan mi a dih ri lo” tiin a chim. Source-Bloomberg &Trump Facebook/Twitter

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Atu Ni, Biden Team le Trump Team White House ah an thil tawn mi cu a linsa bak ko"

Leave a comment

Your email address will not be published.


*