Australia um Chinmi Centrelink nan ngah ding mi le Sianginn kai mi, rian ttuan mi vialte nih tuah ding mi cozah nih a phuan mi tlingtein

Australian um Chinmi caah cun hnangam tuk a si, mah bantuk in cozah nih mipi caah rian a ttuan mi hi. Na hoi le hna a theih lo mi nih an theih khawhnak caah share in vun theihter ve hna.

Economic Support Payment  cu $550  APRIL 27, 2020 thawk in Centrelink a ngah mi poah sin ah Automatic in phawt an si lai. Thla 6 chung ah mah bawmhnak hi phawt a si lai. April 27 thawk in Centrelink Customers pawl Bank ah Automatic in thun piak an si lai. Centrelink a ngah tu nih zeihman tuah a herh lai lo. Cozah lei in ttuanvo a dihlak in an lak lai. Economic Support Payment (ESP) hi thla 6 chung cu zarhnih dan ah phawt a si tawn lai. Centrelink a ngah mi nih an ngah ning bantuk  $550 cu an nga tawn lai

MARCH 12 – APRIL 13 karlakah Centrelink bawmh mi sin ah March 31 thawnkin $750 cio cozah nih a phawt hna. Mah hi cu voikhat ca lawng a si lai. $750 a ngah mi zong April 27 hnu lei ah cun zarhnih dan ah 550 an ngah than cang lai

SMALL BUSINESS: Small business ngei mi caah zarhnih dan ah $3000 nakin tlawmdeuh tangka a la mi caah April 27 hnu ah Centrelink Apply khawh a si cang.

THEIHTIAMNAK CAAN: Atu Centrelink bawmh lio mi hna cu April 27 rian kawl, Rian ttuan, Volunteer rian ttuan, Sianginn kai ti bantuk ah zeihman tuah a herh lo. Mah le in report caan teah in report ding a si ko. Automatic in bawmhnak a lut lai

EARLY SUPER ANNUATION: April thla cheu in Super tangka zong penson hlan ah fawitein lak khawh ding in an kalpi cang lai. Kumkhat ah $10,000 tiang lak khawh a si lai. Centrelink a co mi le Covid-19 ruangah rian lei ah buainak a tawn mi nih lak khawh a si lai. My Gov Account ngei mi caah My Gov chungah Tax le Medicare hna cu link in apply tuah khawh a si

Mah  nih Apply tuah khawh lo ah cun My Gov chungah “Intention of Cliam” ti in register ding. Cun rian ttuantu nih tlamtling tein an vun tuah ko lai. Australia cozah nih hin Covid-19 zawtnak doh lawng si loin Mah zawtnak nih a kalpi Australia Ram Economic a hrawh ding mi hi fakpi in an ven long si loin mipi harnak an tonh lo nak ding caah rian a ttuan lio a si.

Be the first to comment on "Australia um Chinmi Centrelink nan ngah ding mi le Sianginn kai mi, rian ttuan mi vialte nih tuah ding mi cozah nih a phuan mi tlingtein"

Leave a comment

Your email address will not be published.


*