Australia um mi kan dihlak in kan theih ding mi; CCCA Australia nih theihterhnak a tuah ve cang

Australia Chin Khrihfabu hna, Coronavirus ruangah lungre thei vansang au kan um lio cio caan asi. Hi zawtnak hi a karh chin nak hnga lo kan dihlak in tuanvo kan ngei.  Nihin [March 18, 2020] ah kan Prime Minister, the Hon. Scott Morrison, MP, nih thawng a kan thanhmi chung chungin Khrihfabu kan i pumhnak vialte a hnor suan mi an um. Sihmanhsehlaw, Pathian he kan i pehtlaihnak le pumpak kan zumhnak a zor nakhnga lo mah le Khrihfabu cio nih a tanglei bantuk in biatak tein ṭan nan rak lak cionak lai kan in nawl hna.

1. Minung 100 nak tam deuh pumhnak [thlacam pumhnak, puai] i tonnak paohpaoh tuah rih lo ding. 2. Khrihfabu nih a ngeihmi gospel team kal, CCCA pulpit exchange, crusade, training, camping, rawlhrawmnak or concert tibantuk tuah timhmi tuah rih lo ding. 3. Biakinn pumhnak vialte tlawmter deuh ding le pumhnak hme tete tuin thlen piak deuh ding.  Pumhnak hme tete a tuahmi hna nih Australia Cozah nih an tuah ding an kan fialmi [social distancing and hygiene practices] ning in tuah ding a si lai. Social distancing timi cu aa pummi hna he 1.5 meters [pe 5] hlat in nan um peng lai.

Kut nan i tlai hrimhrim lai lo. Kuh [hug] nan tuah hrimhrim lai lo. Hygience practices timi cu kutka luh chuahnak ah alcohol 60% aa telmi kut tawlnak [hand sanitizer] nan chiah peng lai i nan i tawl lengmang lai. 4. Nan mah le Khrihfabu cio ah tarnu tarpa, a phanthar mi, midam lomi le rawl, eidin, sivai, aa cawk kholomi or rawl aa cawk manh lomi tete caah bawmhchanhnak siseh, Coronavirus a ngeimi an um sual ah zeitindah thinlung taksa thlarau lei bawmh chanh khawhnak caah a herhmi budget le plan zong i suai cia chung ding.

5. Online in pehtlaihnak fak deuh le tam deuh in ser ding le, pumpak cio nih Pathian he an i pehtlaihnak caah pumhnak, thawngtha chimnak, thlacam ttinak ngehi piak ding le zumtu pakhat cio nih Pathian rian pehzulh tein an ṭuan khawhnak hnga thawhlawm peknak, cheuhra cheukhat peknak vialte kha online /netbank in fawi zang deuh pek khawhnak serpiak ding.

CCCA Ramchung Khrihfabu pakhat le pakhat kan i pehtlaihnak ah Khrihfabu kip nih kan ngeihmi facebook page tete zong a tanglei bantuk in kan rak langhter i live a thlah khomi sin ah pumh i hrawm cio hna u sih. “Ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.” 2 Chanrelnak 7:14] Bawipa nih him tein in chia ko hna seh, CCCA: Australia

Be the first to comment on "Australia um mi kan dihlak in kan theih ding mi; CCCA Australia nih theihterhnak a tuah ve cang"

Leave a comment

Your email address will not be published.


*