Australia zong thawngpang chia bak in a phan ve cang; Chin mipi ralrin tein um a herh cang

Nihin ah Prim Minister Morrison nih order achuah cang. Atimi cu hmaizarh nikhat ni thawkin Australia ramchung ah mibu minung 500 nak tam pumhkhawm timi a um ti lai lo. Cu cu zeiruangah dah a si ti ah cun tulio zawtnak ruangah a si tiah a ti. Mah hi hi thlakhat chung a si rih lai tiah a chim. Amahbelte mibu umnak khapmi chungah hin fimcawnnak sianginn, airport tibantuk telh a si lo ati.

Nihin tiangah cun Australia ram dirhmun cu thinphang tuk ding a si lo. Zawtnak hrik akaimi hi minung 156 an si i athimi hi minung 3 lawng an si. Nihin tiangah vawleicung ah aa ralring bikmi hi Hong Kong a si. Hong Kong cu China ramchung ummi a si ko nain nihin tiangah minung 4 lawng an thi I zawtnak hrik neimi hi Australia nakin an tlawm deuh rih.

Iran Ram Cu Suimilam 24 Chungah Minung 85 Bak An Thi Ve Cang:  Thinphang lo awk atha lo. Minung fimnak in ivenkhawh a si ti lo. Pathian lawng lawng nih a kan venah kan nunnak a him. China ramah nikhat ah minung 100- 250 karlak peng an rak thi. A tu ah cun China cu thawngpang tha dirhmun ah a um cang tiah kan ruah lio ah Iran  ramah thawngpang chia a chuak than cang. Nizan ah suimilam 24 chungah zawtnak ruangah minung 85 an thi tiah report nih a chim.

Iran ram ah a thimi minung 514 an si I zawtnak hrik a neimi hi minung 1289 an si cang tiah health ministry spokesman Kianoush Jahanpour  nih conference ah a chim. Mah zawtnak nih hin Iran cu faktuk in a den cuahmah ko cang. Ramkhat hnu ramkhat athimi le hrik a kaitharmi an karh thluahmah. Zeiti hlei ikhamnak ding sii a ser khotu ram pakhat hmanh an um lo.  Hi hi Pathian nih Amah ratlai ah harnak phun phun atlung lai tiah a chimmi atlinnak hmelchunhnak pakhat a si lai tiah a ummi an tam tuk cang.

Be the first to comment on "Australia zong thawngpang chia bak in a phan ve cang; Chin mipi ralrin tein um a herh cang"

Leave a comment

Your email address will not be published.


*