Bawmnak phawt ding in Trump nih minthutnak a tuah caah Biden le Democrat pawl nih ceilak in an phomh

US mipi caah thawngtha a si lio ah Democrat pawl nih Trump thil tuah mi cu ceilak in an soisel cang hoi. Bawmnak kongah zarkhat chung bak an cei hnuah Democrat lei nih an cohlan duh lo caah Trump nih Executive power hmangin minthutnak a tuah cang

Mah kong hi ka ral ttial cang kha Chinpage ah. President Trump nih Coronavirus relief package ah Congress bypass ah Executive order pali ah min thutnak a tuah.

Democrats candidate ding mi Joe Biden cu a thinhun tuk cang i, Donald Trump cu ceilak in a phomh. “Donald Trump nih hin buainak, idohnak dawng khawh lo mi a tuah peng” Payroll taxes, Medicare & Social Security, fund  caah hmang ding mi pawl hna cu Relief package lei ah amer tthan. Social Security hrawh ding in buainak a tuah than hoi cang.

Harngai in Social Security benefits fund a mer lo zongah senior le Americans millions nih buainak an tawn cang.

Nancy Pelosi, & Senate Minority Leader Chuck Schumer nih Trump ceilak in an soisel ve ve hna  “Trump thil tuah mi nih hi a mi thawng a si lo ning alangter. Rian tuan ttha tung lo i le mi ruahnak a bi mi minung a si ning a langter

Tu nih ah mah bantuk in President thil tuah mi nih hin mipi caah zeihman ruahnak a ngei lo mi le mipi kan buai zonah pawi ah a chia lo ning a langter tiah fakpi in an soisel

Coronavirus relief package caah Republicans le Democrats Senate han cu zarkhat chung bak ceihmainak an tuah, Democrats lei nih lam an onh piak duh lo caah le Unemployment millions leng an um cang fawn caah President Trump nih Executive order 4 ah min thutnak a tuah mi hi a si. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Bawmnak phawt ding in Trump nih minthutnak a tuah caah Biden le Democrat pawl nih ceilak in an phomh"

Leave a comment

Your email address will not be published.


*