Biak Inn cu siizungah an canter cang, USA Scientist, Trump nih a zum ngai mi Dr Fauci nih USA caah Coroanvirus ttih nunning a chim cang

I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang. US-ah COVID-19 zawtnak ruangah mi 18761 an thi cang. A damlo mi hi 5330177 an phan cang.

USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi i

Khrifah pawl hna Pathian thanthatnak caah an  hmang tawn mi cu coronavirus ruangah a dam lo mi an tam tuk caah siizung pawl hna ah ihkhung a um ti lo caah Cathedral of St. John the Divine , New York cu damlo zohkhennak caah an hmang cang. Mah Gothic style cathedral, hi Manhattan’s Morningside Heights ah a um mi a si i,  600-foot a saumi a si, 400 ihkhun a chia a si.

Nine climate-controlled medical tents nih a pawngkam ah an um hnawh. A pawngah Mount Sinai Morningside hospital Doctors te pawl nih, Cathedral ah COVID-19 zawtmi hna an zohkhen chap lai.

US Scientists mingthan ngai mi le minih an uar ngai mi Dr Fauci nih Coronavirus ruangah USA cu hnunglei a kal thluamah lio a si. Mah bantuk in thlakhat a peh zul ah cun a hlan lio kan vawlei cung bantuk ah khan kan kir tthan te lai tiah a chim cang.