Biden biakamnak a tuah lio ah adawngnak thlacam tu Pastor Rev. Dr. Sylvester Beaman a mualpho

A poi chin lengmang ko, Democrat pawl thil tuah nak kip ah Pathian duh lo ning in thlacam a si thluamah cang. Mah inauguration lio ah thlacamtu pa thlacam ning nih soisel le thangchiat a tawn ngai cang.

Mi tampi nih heh tiah an cohlan lo ning an chim cang. Joe Biden ni 20 biakamnak a tuah nak ah a dawngnak ah (Benediction) thlacamnak ngeitu pa thlacam ning kha heh tiah soisel le thangchiat a si cang

Mah ni January Ni 20, Inauguration ah Joe Biden nih dawngnak thlacam ding caah a sawmh mi hi a hlan in a rak thei tuk cang mi Wilmington (North Carolina) khuah Bethel AME church Pastor Rev. Dr. Sylvester Beaman a si.

Adawngnak ah a thlacam ning kha Jesuh zulhtu caah cun cohlan kho ding a si lo. Khrifa a hman mi ka si, Jesuh zulhtu ka si a ti mi caah cun dawngnak thlacam mak tuk mi a si

A thla cam ning hi english in vun rel hmasa law, cun a dik lo ning ka vun chim lai. Rev Dr Sylvester Beaman thlacam ning cu,  “In You, Oh God, we discover our humanity. In our humanity, we discover our commonness beyond the difference of colour, creed, origin, political party, ideology and personal preferences…

To your glory, majesty, dominion and power forever. Hallelujah. Glory, Hallelujah. In the strong name of our collective faith, amen.”

“Kan dihlak zumnak min thawng ngai in, Amen tiin a dawngter. Mah bantuk thlacam ning hi Bible ah kan hmuh bal lo mi a si.

Mi tampi nih a thlacam ning kha mak an ti ngai. Rev Dr Beaman thlacamnak ah hin zumnak dang dang a ngei mi kong  “collective faith” a chim chap caah, Mah hi Khrifa buu dang dang zumnak maw a chim, Biaknak dang, Muslim, Hindu, Buddha pawl zumnak a chim chap ti a ho hman nih an thei fiang lo

Ahmasa mi hi a si a cun, Jesuh zumtu a si lo mi, zeibantuk zunmak Pathian sin ah thla a cam ti a fiang lo mi Pastor a si tinak a si lai,  Ahmahnung mi a si a cun Pastor nih Jesuh min a chim ngam lo mi a si lai tinak a si

Johana 14:13,14 kan zoh a cun Kan Bawipa Jesuh nih ama min in thlacam ding in le hal ding in a kan cawn piak mi a si.

Pathian ti lawng in thlacamnak ah a dawngter mi hi biaknak tampi nih pathian cu an ngei dih caah zeibantuk pathian ti kha fiangtein thei khawh a si ti lai lo.

Grace Community Church-ah pastor pakhat Mike Riccardi nih mah dawngnak thlacamnak kong hi a facebook page mah ti hin a tial

Biden biakamnak a tuahnak ah a dawngnak ah thlacam tu pa nih thla a camnak ah khan zeibantuk Pathian sin ah thla a cam ti a chim ngam lo tiin a tial. Cun Bible, (Acts 4:12).  (Phil 2:9-11) (2 Cor 1:20) a tial chap

Kan zumnak hmang in Pathian sin ah thil kan hal bal lo, Pathian fapa Jesuh min in Pathian sin ah thil kan hal tawn.

Jesuh sin ah biakam le thil vialte a tling dih caah Pathian sin ah thil kan hal a cun Jesuh min kan hmang in kan hal awk a si. Mah cu Bible nih a kan cawn piak mi cu a si tiin Grace Community Church Pastor Mike Riccardi nih a chim. Credit-Matana

Be the first to comment on "Biden biakamnak a tuah lio ah adawngnak thlacam tu Pastor Rev. Dr. Sylvester Beaman a mualpho"

Leave a comment

Your email address will not be published.


*