Biden le Nancy Pelosi an mualpho cik cek cang, Catholic nih bia an hal cang hna

Khrifa zumtu hna cu um sawh sawh an nih tim ti lo, Joe Biden le Nancy hi Catholic an si. Democrat party an si, an policy cu nau hrawh le US mipi nih tax an pek mi pawl kha nudawk padawk (LGBTQ) pawl caah le Transgender pawl caah kan hmang lai ti in Nancy nih fiangtein a chim cang

Joe Biden zong nih mah policy kongah fiangtein a chim cang. A duh ning cu Nancy he a khat ko. Democrat pawl hi a hlan ah cun zumtu tha pawl nih an rak vote tawn hna. Pathian bia chimtu, a lar ngai mi, Billy Graham zong hi lifelong Democrat a ti ve mi a si.

Natein Democrat pawl nih liberal/left pawl duh ning bantuk in thil an tuah lengmang caah kum 2016 thimnak ah Billy Graham nih Democrat cu kaltak in Trump a vote mi zong kha a si. Mah kong hi afapa Franklin Graham nih fiangtein a chim cang (Mah Chinapge ah ka ttial cang kha)

Tennessee Bishop nih Nancy le Biden cu bia halnak tuah cang hna, Catholic zumtu tha kan si tiin bia an chim lengmang, natein nauhrawh, nudawk padawk, A thlengmi (Transgender) pawl hna cu fakpi in an dirpi tthan hna.

Bishop Rick Stika nih bia halnak tuah mi hna cu, Catholic zumnak ah cun nauhraw, nu le nu, pa le pa, Transgender pawl hna hi a cohlan lo, natein an pahnih nih mah bantuk thil fakpi in an dirpi tthan lio ah catholic tha, zumtu tha kan si tiah an chim fawn.

Catholic nih zarh fatin an chuah mi Ca-uk “The Catechism of the Catholic Church” ah Bishop nih a ttial mi cu, nu nih nau a pawi thawk in nau cu minung a si cang, mah bantuk sualna a ngei lo mi hna hi hrawh le tha saw saw ding an si lo’ tiah a ttial. Catholic khrifa nih cun nauhrawh hi thil thalo tuk/sual bantuk in kan ruah mi a si.

Minung ziaza tha an au pi, natein sualnak a ngei lo mi hngakchia, nu pum chungah um mi hna hrawh/tha an duh tthan hoi. Mah bantuk hi catholic zumnak a si lo. Catholic nih kan doh ngai mi a si tiah fakpi in a chim i, Biden le Nancy cu zei bantuk zumnak dah an ngei ti a hal hna.

An mah catholic lawng si lo inn buu dang pastor tampi, a hlei in Baptist pastor Jeffree nih cun ceilak in a rak phomh cang hna. Democrat pawl hna cu pathian a ngei lo mi an si. Khrifa hna ralrin tein kan um ding a si tiah a rak ti cang. Cun Pastor Robert zong nih zumtu tha nih cun Democrat lei ah vote thlak ngam ding a si lo tiah a rak chim cang.  Credit-Breitbert

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Biden le Nancy Pelosi an mualpho cik cek cang, Catholic nih bia an hal cang hna"

Leave a comment

Your email address will not be published.


*