Biden President a si ah cun Israel cungah tuah ding mi cu tih nung bak ko

Khrifa a si mi caah cun Biden cu vote ngam din a si lo, US sianginn ah Muslim cawnpiak nak kalpi a si lai tiah a chim cang. Mah kong hi cu mah Chinpage ah ka ttial cang. A tu cu, President a si ah cun Israel ram cungah a tuah ding mi a chim mi kong a si lai

President poah nih foreign policy hi an ngei dih. US hi vawlei cung ramkip ah ram thawngbik/super power a si caah US atuah ning bantuk in ramdang zong nih an tuah lengmang.

US embassy cu Telvi in Jerusalem ah thial a si. Mah bantuk in President Trump nih a tuah mi hi UN zong nih a cohlan lo, natein President nawlngeinak a si caah a tuah mi cu a al khawh mi an um lo

US nih embassy cu Israel khualipi Jerusalem ah a thial hnuah ram tampi nih an embassy cu Jerusalem ah an thial thluamah ve. US nih Jerusalem ah embassy a chia hnuah ram 10 leng nih an embassy cu Jerusalem ah an thial ve

Biden nih a chim ning ah cun President a si ah cun US embassy cu Jerusalem in Tel Aviv ah a thial tthan a si lai lo tiah a chim.

Natein mi tampi nih an zum lo, President Trump nih Jerusalem ah embassy a chia lio ah khan fakpi in a rak soisel cang caah le Palestinian hruaitu nih cun Joe biden President a si ah cun Tel Aviv ah embassy a chia tthan lai tiah an chim. cun Palestinian Authority cu fakpi in a dirpi lai tiah a chim.

Cun United Nation ah UN Educational, Scientific & Cultural Organization & the UN human Right Commission, mebership vialte cu nungter dih a si lai tiah a chim chap. Credit-Reuters

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Biden President a si ah cun Israel cungah tuah ding mi cu tih nung bak ko"

Leave a comment

Your email address will not be published.


*