Breaking News- A poi tuk ee, Chinpa, Pastor pa cu a fapa ai ah an tlaih

 Tedim ah Pension a La Cangmi Pastor Nupa an Fapa Ai ah an Tlaih Hna . Tedim khua cozah zung ah rian a ttuanmi Pu Do Sian Pau cu ralkap nih an tlaih khawh lo caah hringtu a nulepa Rev. Khup Khen Pau le a nupi tu an fapa ai ah tu zaan sml. 11:00 hrawng ah an tlaih hna.

Rev. Khup Khen Pau hi Cope Memorial Baptist Church ah Pathian rian a rak ttuan i pension in aa din cangmi a si. The Chin Journal

Kawl ralkap lei a thih mi an tam tak tak, Nihin, Sunday ni ah kawl ralkap nih KIA pawl tu tuk ding in an van va kal. A hlan ah KIA nih kawl ralkap pawl camp an lak piak mi kha, lak than ding in Kawl ralkap nih tim tuahnak an ngei

Natein ruah lo pi in an mah kawl ralkap lei tu a thih mi an tam tak tak. Report nih a langter ning ahcun Tu ni i tuk nak ah kawl ralkap lei minung 30 an thi than tiah report nih alangter.

Tu ni zingka suimilam 9:00 AM thawk in Alaw Bum Kia, Army le kawl uico pawl hna cu heh tiah an i kah than hna. KIA lei a thih mi report tu tiang langter a si rih lo.  Ralkap lei cu minung 30 an thih tiah langter a si. KIA lei a thih mi zong an um ve lai tiah zum a si. Report by- Joseph Malsawmkunga Pa

Hakha ah Ralkap nih Anmahte in Vote Relnak an Tuah Than. Hakha ah ralkap (SAC) nih peng/myone panga i vote pawl zohfelnak anmahte in an tuah tthan, tiah thawng kan theih. Atutan hi ralkap nih November 2020 thimnak i Chin ramkulh chung vote pawl zohfel tthannak a voi 2nk an tuah a si.

Hakha, Thantlang, Falam, Tedim le Tonzaang vote pawl zohfelnak an tuah, tiah NLD chan Chin ramkulh Election Commission Chairman Pu Uk Nawl nih a chim. “April 9 ah Hakha le Thantlang vote an zohfel.

Cun April 10 ah Falam, Tedim le Tonzaang i vote pawl zohfelnak an ngei. Mah dih hin Thlanglei Laitlang i vote pawl an check tthan lai,” tiah The Chin Journal ah a chim.

Ralkap nih uknak an chuh hnu in vote rel tthannak voi khat an rak tuah cang. Cu lio ah cun Chinram Election Commission chungtel upa tampi ralkap nih Rungtlang ah an chiah hna i, Chinram chung ohsuh 4 i vote an rak zohfel hna.

Asinain, ohsuh 4 i vote an zohfelmi a phichuak langhter a um hlan ah cunglei nih vote relnak rak ngol u an ti hna caah an ngol i Rungtlang ah an hrenmi upate zong an thlah tthan hna. Atutan Chinram chung

vote rel tthannak a voi 2nk ah NLD chan i Chinram Election Commission chungtel upa pawl an au ti hna lo. Myanmar ralkap nih rian an khinhmi hna vote reltu pawl lawng nih an tawlrel cang. Chinram ah cun

Dr. Ba Maung nih a hruai hna i Uknak lei zung, Palik zung le La Wa Ka zung tibantuk in rianttuantu pawl nih vote zohfel tthannak an ngei. Pu Uk Nawl nih, “Atutan vote rel tthannak kong ah keimah nih ka theihmi zeihmanh a um lo caah minthutnak zong ka tuah lo,” tiah a chim. The Chin Journal

Be the first to comment on "Breaking News- A poi tuk ee, Chinpa, Pastor pa cu a fapa ai ah an tlaih"

Leave a comment

Your email address will not be published.


*