Breaking News- A tlau tiah an ruahmi pastor fapa cu umnak thei a si cang

Matupi ah a Tlau Tiah an Ruahmi UPC Pastor Fapa Ralkap nih an Rak Tlaih. Matupi ah nizan thawk in inn hlam loin a ummi Rev. Wai Hteik fapa Salai Timothy (kum 18) cu ralkap nih an rak tlaihmi thawngpang a chungkhar nih tu zanlei ah an theih.

Salai Timothy hi April 7 ah a hawile he khuachung runvennak an tuah i cu lio ah cun ralkap nih an rak tlaih hna.Rev. Wai Hteik nih, “An tlaihmi thawngpang zong ralkap lei nih a kan thanh lo. A theitu khuami pawl nih nihin ah a kan thanh hnu ceo in kan theih.

Zei bantuk case in sual an phawt hna ti zong kan thei rih lo,” tiah The Chin Journal ah a chim. Salai Timothy hi Pagoku University ah kum khatnak a kai liomi mino a si. Nizan ah Salai Timothy telh in minung 5 ralkap nih an tlaih hna i, atu tiang ah Matupi ah mino 10 an tlaih cang hna. Credit- The chin Journal

relchap..Myanmar Junta pawl ruangah kawlram chungah khauci a mui chin lengmang, a thih mi an tam chin lengmang, mipi zong nih ei ding kongah harnak an tawn thluamah ve cang. Myanmar Junta pawl thil tuah ning zong tih a nung chin lengmang.

Sunglawi tuk mi, Pathian nih a serh mi nunnak tampi a liam cang. Mah bantuk in Myanmar Junta pawl an ziaza le sual ning kan hmuh lio ah hmun dang dang ah thil tha tuah i, heh tiah mi caah rian tuantu an kar chin lengmang ve

Ralkap an sual deuh deuh, Humanitarian/Humanity hmuh ding a tam deuh deuh ti si ko. Donation campaign Moe Kuang Town, Kachin State ah thil an tuah mi nih mi tampi lungthin a dam ter ngai. Mah hmangthlak a hmuh tu tampi cu lungthin kekuai in an um

April 8 thawk in Nikhat (1) ah voih 13 tiang, a herh mi caah lak ding in tisik anhnah etc Donation campaign, Moe Kuang, Kachin State ah thawk a si cang. Myitkyina -Shwebo Union road le Myoma Municipal Market junction a Rice, food, eggs, noodles, tomato etc hna cu a herh mi, cawknak a ngei lo mi pawl caah pack cia in an chia.

An ca tial mi cu, na herh mi lawng la tiin. Mah bantuk caan chia lio ah mah pe pumpak, tangka le thil dang dang midang caah tiah heh tiah rian tuantu le tangka lei ah tuanvo latu cungah mi tampi nih lunglawm bia an chim. Source-RTK

Be the first to comment on "Breaking News- A tlau tiah an ruahmi pastor fapa cu umnak thei a si cang"

Leave a comment

Your email address will not be published.


*