Breaking News – Biden le Kama inauguration Committee ah i alnak a chuak, Meeting dongter a si

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi ka tim bik mi a si. Nifatin US thawngpang 4/5 na rel  khawh peng nak ding caah Chinpage hi Follow/Like tuah ding in kansawm hna

2020 election kong voih tampi kan tial, kan rel cang caah US phunlam le thil sining cu tampi kan thei cang lai tiah ka zum.

President thar sunglawi ngaiin rian tuan thawknak kong cei meeting (inauguration) an tuahnak ah heh tiah i alnak a chuak, natein meeting an thawk bak in heh tiah i alnak a chuak i, biakhianak zeihman tuah kho a si lo

Mah kong hi Democrat pawl Media nih an tial duh lo i, natein Yahoo le News Agency dang dang nih an phuan. US Mainstream Media nih an phuan duh lo mi hi zeidah a ruang si lai tiah mi tampi nih bia halnak an tuah

Joe Biden le Kamala Harris Inauguration (Sunglawi ngai in rian tuan thawknak) kong he pehtlaih in meeting tuah a si. Mah meeting ah hin biakhiahnak zeihman an tuah kho lo caah meeting an dawngter.

Mah inauguration Committee ah hin Republican lei in Senate Majority Leader Mitch Mc Connell, Senator Roy Blunt le House majority leader Kevin McCarthy hna an si

Democrat lei in House majority Leader Steny Hamilton Hoyer, House Speaker Nancy Pelosi le Senator Amy Klobuchar hna an si

Mah Inauguration meeting an thawk bak in heh tiah an ni al cang i, zeihman biakhianak tuah kho a si lo, vote lak a si i, 3-3 ve ve an si (draw) caah meeting cu dawngter a si. Meeting tuah than ding mi kong cu tu tiang zeihman thei a si rih lo

Mah meeting an dawngter hnuah Democrat lei nih press conference an tuah cawlh i, Republican lawmaker pawl nih hin Donald Trump President sinak hi tutiang ven piak an nih tim i, zeihman rian tuan kho a si lo. Mah hi US phunlam buar a si tiin an chim. Source-Yahoonews

(US supreme court nih 2020 election kongah thawngthanhnak a tuah cang, ka vun tial cawl lai, Chinpage hi like le follow na tuah rih lo a cun like le follow vun tuah ve law, supreme Court bia le hla na thei peng kho lai tinak si)

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "Breaking News – Biden le Kama inauguration Committee ah i alnak a chuak, Meeting dongter a si"

Leave a comment

Your email address will not be published.


*