Breaking News: Coronavirus Sii a chun hmasak bik Jennifer Haller nih a chim mi cu thawngtha bak si cang ko

Vawlei ramkip nih kan buaipi ngai mi le kan tih ngai mi coronavirus sii cu US ah hnehsaknak minung cungah tuah a si cang. American Scientist pawl nih an serh mi sii cu zahan ah khan Jennifer Haller (kum 43) taksaah hnehsaknak tuah a si cang.

Jennifer Haller hi coronavirus zawtnak a ngeih mi a si i, fapa kum 16 le fanu kum 13 a ngeih lio mi a si. Amah lawng si lo in Coronavirus zawtnak a ngeih lo mi midang sin ah side effect a ngeih maw tiah hnehsaknak tuah a si chap

Jennifer Haller nih, Vaccine ka chun hnuah ka lungthin a dam dih” I am feeling great” tiin AFP news nih a ttial. Mah bantuk in an hnehsaknak hmun hi Kaiser Permanent, Washingtong Health Insitute Seatle, Washington hmunah ngeih a si.

Hi sii hi Biotechnology company pakhat Modern Inc, (incorporated tinak) National Institutes of Health, Massachusetts mi nih an serh mi a si. A code min ah “MRNA1273′ ti a si. Natein sii tlamtling tein ah hmang khawh ding ah cun a rau bik ah kumkhat le thla 8 a herh.

UN tangah World Health Orgazination (WHO) lei nih theihpinak an tuah i, Coronavirus sii caah na pawm tiah vawlei theih ding in an theihpinak tuah hmasak a herh. German Scientist pawl zong nih mah sii hi serh khawh a si nak ding caah fakpi in an nih zuam lio a si ve

Dr. Lisa Jackson, sii serhnak lei ah hruaitu bik nih cun “Coronavirus team kan si i, Emergency thil ah cun mi kip caah hmang khawh a si lai tiin a chim. Atu hnehsaknak an tuah mi hi ni thum chung an zoh lai. Dr. Anthony Faucet, US National Institute of Health nih cun, mipui himnak cu a hmasabik ah kan chia mi a si tiin a chim.

US President Donald Trump nih cun, American mipi cu a herhtuk mi thil a si lo ah cun lenglei chuak lo ding in a ti cang hna i, Bars, Restaurants, Shopping malls, Swimming pool etc kal lo ding in theih terhnak a tuah cang.

Zarpi zaan ah US National Security Council meeting nih cun ramkip ah US lockdwon cu a herh lo tiah bia khianak an tuah. States cheu ah cun Siang inn, Swimming poll, Clubs, Bars le Public meeting tuah lo ding in theihterhnak tuah a si cang. State 10 ah Emergency phuan a si cang.

Be the first to comment on "Breaking News: Coronavirus Sii a chun hmasak bik Jennifer Haller nih a chim mi cu thawngtha bak si cang ko"

Leave a comment

Your email address will not be published.


*