Breaking News- Dr. Sasa cu KNu hruaitu pawl he tlamtling tein Meeting an tuah khawh cang

Dr. Sasa rian a tuan ning cu uar a um chin lengmang, kawlram thil a cang mi kongah amah lawng in rian a tuan ti bantuk si cang.

Heh tiah a tuah khawh mi poah ah cawlhcang a tim cang. Mah bantuk in Chinmi nih mi ropui kan ngei mi hi Pathian thawng a si

Dr. Sasa nih tu zan lei ah a tial mi cu, KNU Hruaitu pawl he meeting tha tuk mi kan ngei. KNU Vice Chairman, Padoh Saw Kwe Htoo Win, general Secretary of KNU Padoh Saw Tah Doh Moo,

Assistant To vice Chairman of KNU he meeting sunglawi tuk mi kan ngei khawh. Kan ceih mi cu tu lio kawlram kongah thil a cang mi a si

Federal Democracy nih teinak a hmuh lai, Federal Union nih teinak a hmuh lai, Federal Democracy Consitution nih teinak a hmuh lai tiin facebook a tial

Myanmar buainak kong thil biapi aa tel mi (relchap) UN Sectretary general, António Guterres cabuai cung ah cakuat pahnih a phan. Pakhat cu Ambassador Kyaw Moe Tun sin in a si.

Kyaw Moe Tun cu President Win Myint le Foreign Minister Aung San Suu Kyi nih Sept. 4, 2020 ah UN ambassador caah an rak thimmi, a si bantuk in, keimah hi Kawlram ambassador ka si peng rih ko i, ka peh rih ko lai tiah ca a kuat.

A pahnihnak cu Min Aung Hlaing aiawh, State Administration Council in a si i, Kawlram ambassador Khyaw Moe Tun cu a rian in dinter a si cang caah, Kawlram Cozah a aiawh kho ti lo.

Cucaah, amah dirhmun ah Myanmar’s deputy U.N. ambassador, Tin Maung Naing kha, Ambassador ah kan kaiter tiah ca an kuat ve. Asinain Tin Maung Naing nih ka cohlang hna lo tiah a facebook ah a taar colh.

Tulio hi Kawlram ah Cozah pahnih an um lio a si i, UN ah kawlram tthutnak cu ralkap maw an pek hna lai? CRPH dah timi a fiang rih lo.

Secretary General cabuai ahcun cakuat pahnih cu an um ko rih. UN members vialte meeting tuah in biakhiah a hau men lai tiah biavaivuan a chuak pah.

Mipi cungah ral a thomi, ralhrang Min Aung hliang/ralkap nih mipi cu an kah hna i, minung 38 an thi cang.

Cucaah, UN Security Council ah innkhar ikharkhumh in meeting an tthu tthan colh lai. Zeibantuk biachahnak dah an tuah khawh te hnga? Credit- ZasangCinzah

Be the first to comment on "Breaking News- Dr. Sasa cu KNu hruaitu pawl he tlamtling tein Meeting an tuah khawh cang"

Leave a comment

Your email address will not be published.


*