Breaking News- Election Commission thar nih ralkap duh ning bantuk in thil tuah a tim cang

Kawlram ah Aa Na Ting ruangah vawlei cung ramkip ah Burmese um mi nih duh lonak heh tiah langter a si lio ah zeihman tu tiang thawngpang tha thei ding mi a um lo

Ramdang, US, Canada, Japan, Australia le EU pawl nih kawlram ralkap cu heh tiah an soisel, thangchiat i, Aung San Suu Kyi cu a rangnak in chuah ding in heh tiah kawl ralkap thil tuah mi an duh lo ning an langter ve

Ralkap lei nih vote rel than ding in Election commission ah heh tiah an nawl peng bu in, Election Commission nih an nawlnak a cohlan piak duh lo hnuah ralkap lei nih aa na hmangin nawlngeinak an tlaih

Mah bantuk in Election Commission nih ralkap lei party nih nawlnak an tuah mi a cohlan piak duh lo caah ralkap lei an thin hun tak tak

Ralkap nih an duh ning bantuk in thil a cang lai lo ti an thei hnuah, hruaitu hna cu meeting an ngei i, meeting an ngei hnuah AA NA hmangin nawlngeinak an kut ah an chia

Nawlngeinak an tlaih hnuah Burma ram chungah office vialte cu an mah kut ah a um cang i, rian tuantu office hna cu an duh ning bantuk in an kalpi i

Hruaitu hna cu an mah duh mi lawngte  an thim hna. Ralkap lei nih nawlngeinak an tlaih hnu, Ni 5 hnuah Burma election Commission zong an mah duh ning bantuk in an thleng dih

Kawl ralkap thil tuah mi hi kawlram mipi caah cun a fak tuk mi a si, aruang cu Burmese mipi zong an thangcho thluamah lio ah mah bantuk in kawl ralkap kut ah an um than a cun ramdang nih heh tiah dantat an si lai ti kha an thei ko

Atu cu Election Commission thar nih thawngthannak an tuah ve cang i, An chim ning a cun, kawlram parliament le department dang cu cawlhcang kho lo in an tuah hna i

Thimnak kongah vote hlennak a um ti mi cu thatein zohthan a si lai tiah thawngthanhnak an tuah cang. Source-BBC Burmese

Chinpage rel tawntu hna nih kawlram kong tampi vun tial tiah request a um caah kawlram thil cang mi kong he pehtlaih in mipi nih thawngpang a hman mi kan thei lengmang khawhnak ding caah ka vun tial lengmang lai

Be the first to comment on "Breaking News- Election Commission thar nih ralkap duh ning bantuk in thil tuah a tim cang"

Leave a comment

Your email address will not be published.


*